Armagedon
Armagedon (de l'ebrieu: הַר מְגִדֹּו / har M'giddo, transcrich Ἁρμαγεδών / Armagedốn en grèc ancian), un puèg de Galilèu dins la region nòrd d'Israèl, tèrme biblic mencionat dins lo Nòu Testament, es un luòc simbolic del combat final entre lo Ben e lo Mal.
Istòria e etimologia
[modificar | Modificar lo còdi]En 609 AbC., lo rei Josias del reialme duel sud, reialme de Judas, es desfach e tuat sul puèg fortificat de Megiddo (Har Megiddo) pel faraon Nekao II. Aquesta desfacha, alara que lo Dieu dels defensors de Megiddo èra censat los protegir, es sentit coma una catastròfa traumatisanta, e es en remembre que lo tèrme « Armagedon » es enseguida utilizat per qualificar una destruccion catastrofica.
Lo tèrme aparéis pas qu'un còp dins la Bíblia, dins lo libre de l'Apocalipsi (Ap 16,16), que ne parla coma un evèniment futur:
| “ | Los amassèron al luòc dich, en ebrieu, Armagedon. | ” |
L’« assemblament dels reis de la Tèrra » anonciat dins aqueste luòc es un resultat del revèrsament de las seissena e setena copas, las darrièras plagas que menèront al tèrme « la furor de Dieu » (Ap 16:16).
Lengatge corrent
[modificar | Modificar lo còdi]Aqueste mot es utilizat per designar de batalhas catastroficas, benlèu d'amplor planetària, e, al sens de batalha finala, aqueste que l'eissida donarà la victòria definitiva. Atal, al contrari del dich « pèrdre una batalah mas pas la guèrra », designar una batalha por venir coma un Armagedon, es sosentendre que pèrdre aquesta futura batalha, es pèrdre la guèrra.
Dins la ficcion
[modificar | Modificar lo còdi]Lo tèrme « Armagedon » foguèt sovent utilizat dins la cultura contemporanèa.
Armageddon es per exemple lo títol de fòrça films, coma aqueste de Harry Bruce Woolfe en 1923 fins al mai recents coma lo film catastròfa american realizat per Michael Bay sortit en 1998.