Ankara

Ankara

País	Turquia
Populacion	4 395 888 (2009)
Latitud	39° 52' N
Longitud	32° 52' È
Altitud	938 m
Localizacion de la vila en Turquia

Ankara, ancianament Angòra o Ancira (del grèc Ἄγκυρα Ánkyra) es la capitala de Turquia. Sa populacion èra estimada a 4 395 888 abitants en 2009.

Plaça Kızılay, a Ankara, Turquia

.

Istòria

Dens l'antiquitat, Ancira èra caplòc daus galatas, un pòble d'origina galla installat en Anatolia. Especificament, èra lo caploc de la tribú daus tectosagis, un daus pòbles vòlques que poblavan tanben Tolosa e lo futur país tolzan. Los tectosagis avèvan passat lo Bosfòr coma mercenaris engatjats per Nicomèdes I de Bitinia.

Sos l'empèri roman, Ancira hot donc metropòli de la província de Galacia. Pr'amor d'aquò, Ancira vadut a l'èra crestiana sèti archiepiscopau; e lo demorèt (dens la glèisa ortodòxa grèga, la glèisa catolica armènia e la glèisa apostolica armènia) dinc aus genocidis grèc e armèni.

A l'epòca de l'empèri Otoman, Ancira, puei coneguda sos lo nom d'Angòra, èra una de las ciutats majoras d'Anatolia.

ANGÒRA (caplòc dau Vilayet). – Vila industriau de 20,325 abitants, dont 1,635 grècs, 6,276 armènis, 413 israelitas, 9 protestants, e 11,992 turcs.

1 escòla İdadiye e un espitau de la municipalitat en construccion. – Jardin public municipau. – Orquèstra municipau de 12 personas jogant cada jorn au palais de l’autoritat locau.

Exportacion : Peus de craba (tiftik), laa, òpi, cera jauna, blat, còla vegetau (kitre), pèths de vacas, crabas, mèu, pomas, peras, tropèths d’oelhas e de vacas.

Après l'establiment de la republica de Turquia, Ankara ne hot causida coma capitala en 1923.

Embessonatges

• Astana (Cazacstan)
• Dushambe (Tatgiquistan)
• Pequin (Republica Populara de China)
• Sòfia (Republica de Bulgaria)

Vejatz tanben

Ligams extèrnes

• (turc) Site oficial de la municipalitat d’Ankara