Jean Sullivan

Ch't' articl'ye fut c'menchie en Jèrriais

Jean Sullivan (John Sullivan, J.S., Oméga), 1813-3 d'Août 1899, 'tait l'seul auteu qu'nou connaît tchi dit qu'il êcrivait dans lé dgialecte Jèrriais dé Saint Hélyi, à ch't heu dispathu. Pouortant sa manniéthe d'êcrithe 'tait si idgiosŷncratique qu'nou n'peut pon aîsiment chein tch'est p't-être typique du dgialecte, d'auve chein tchi n'tait qu'des teurs à li.

Fis du directeu d'l'Hôpita, i' s'întérêssait dans l'histouaithe et la littéthatuthe. I' 'tait notaithe, journaliste (rédacteu du Jersey Observer), artiste, et auteu d'livres en Angliais et en Français (auve ofûche tchiquefais pus d'fantaisie qué d'histouaithe), et d'poésies en Jèrriais, en Angliais et en Français, l'pus souvent d'eune manniéthe extravagante.

Tout coumme, i' vaîsinnait auve les auteurs v'nus en Jèrri. Victor Hugo li'êcrivit: "vous êtes, Monsieur, dans cette précieuse langue locale, un vrai Poëte". I' connaîssait Alfred, Lord Tennyson tchi v'nait vîsiter san fréthe à d'Hautrée, et fit eune vèrsion Française dé Crossing the Bar. I' travaillit auve Messire John Everett Millais tchi fit un portrait (înmaginnaithe) dé Wace pouor un livre dé Sullivan.

I' 'tait un monarchiste dêvoué, et cratchait d'êt' "patronné par Sa Majesté la Reine". Hardi d'ses poésies fête des vîsites et annivèrsaithes rouoyaux.

Bibliographie

Livrets:

The Channel Islands Militia: A paper addressed to the Men of England (1871)
Synopsis of the Constitutions, Charters and Privileges granted to the Channel Islands (1869)
Newfoundland, its origin, its connection with Jersey: also, An Epitome of the Jersey Crisis in January 1886 (1886)
L'Histoire de la Bataille de Jersey (1880)
La Féodalité, son origine, ses exactions, ses droits (1885)
The Ecrehous (1883)
Le "Vier Marchi", Guernsey (1890)
L'Hermitage de Saint-Hélier (1866)
Elégie sur la Mort de Lord Palmerston (1866)
Biographical Sketch of the life of ... P. F. (1888)
Le Haro. Étude sur cette ancienne coutume. Droit à interjetter cette clameur basé sur les commentateurs de la coutume de Normandie et autres autorités judiciaires. (1877)
The Jersey Grammar Schools (1885)
La Chapelle de Notre-Dame-des-Pas (1889)
Le Guide au Havre et à l'Exposition (1868)
Épitomé d'un Guide pour l'Exposition Universelle de 1867
Hymne national composé pour la cérémonie du dépôt des vieux drapeaux de la Milice Royale de Jersey, dans les églises de Saint-Brélade, de Saint-Pierre, et de Saint Ouen (Élégie sur Messire P. de Carteret. - Une Épisode de l'histoire de Jersey.) (1882)
Total wreck of the Weymouth Steamer "Brighton" in a fog off Guernsey, etc. (1887)
Jersey's Jubilee Souvenir of our Gracious Queen
The Norman Conquest and the Crusades