ߖߏߣߊ߲ߣ ߝߐߛߕ
| ߖߊ߲߬ߕߌ߰ߦߊ | ߗߍ߭  |
|---|---|
| ߝߊ߬ߛߏ߬ߦߊ߬ ߖߡߊ߬ߣߊ߫ | ߊߟߏߡߊ߲ߘߎ߯ |
| ߕߐ߮߸ ߛߌ߲ߡߌ߲ߞߊ߲ ߘߐ߫ | Johann Fust |
| ߕߐ߮ | Johann |
| ߛߌ | Fust |
| ߡߏߦߌ߫ ߕߎߡߊ | 1400 |
| ߡߏߦߌ߫ ߦߌߟߊ | ߡߊߦߍ߲ߛ |
| ߛߦߊ߬ ߕߎߡߘߊ | ߃߀ ߞߏ߲ߓߌߕߌ߮ 1466 |
| ߛߊ߬ߦߊ ߞߍ߫ ߦߌߟߊ | ߔߊ߬ߙߌ߬ |
| ߘߋ߲ ߠߎ߬ | Christina |
| ߞߊ߲ | ߊߟߏߡߊ߲ߞߊ߲ |
| ߓߊ߯ߙߊ߫ ߦߌߟߊ | ߡߊߦߍ߲ߛ |
| Floruit | 1465 |
| Partner in business or sport | Peter Schöffer |
| Has works in the collection | Huis Bergh |
| Copyright status as a creator | copyrights on works have expired |
ߖߏߣߊߣ ߝߐߛߕ ߡߏߦߌ߫ ߘߊ߫ ߁߄߀߀ ߠߋ߬ ߟߊ߫ ߡߊߦߍ߲ߛ߸ ߙߐ߭ߡߎ߲߬ ߣߌ߫ ߗ߭ߍߙߑߡߊߣߌ߲߫ ߝߊ߰ߡߊ߬ߟߊ߫ ߓߛߍ ߘߐ߫ ߊ߬ ߣߌ߫ ߞߊ߬ ߛߊ߬ ߁߄߆߆ ߞߏ߲ߓߌߕߌ߮ ߃߀ ߡߊ߬ ߔߊ߬ߊߌ߫߸ ߊ߬ ߕߘߍ߬ ߦߋ߫ ߖߊ߬ߥߏ߬ߟߊ ߣߌ߫ ߜߍߓߏ߲ߦߟߊ ߟߎ߫ ߟߋ߬ ߘߌ߫. ߊ߬ߟߋ ߟߋ߬ ߞߊ߬ ߜ߭ߎߕߊ߲ߓߍߙ ߟߊ߫ ߜߌ߬ߙߌ߲߬ߘߌ߬ߟߊ߲߫ ߓߊ߯ߙߊ ߣߊ߲߬ߝߟߏ߬ߦߊ߬߸ ߊ߬ ߣߌ߫ ߔߌߕߍ߫ ߛ߭ߏߋߝߊ߬[߁].
ߞߊ߲߬ߛߓߍߟߌ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߊ߬ ߓߐߣߍ߲߫ ߦߋ߫ ߡߊߦߍ߲ߛ ߢߋߙߌ߲ߡߊ߫ ߘߋ߲ߓߦߊ ߘߏ߫ ߟߋ߬ ߘߐ߫. ߊ߬ ߡߊ߬ߞߍ߫ ߖߊ߬ߞߐߓ ߕߘߍ߬ ߦߋ߫ ߛߊߣߌ߲߫ ߘߊ߲߫ ߛߌߦߊߞߌ ߟߎ߬ ߟߊ߫ ߘߝߊ߬ߢߐ߲߰ߦߊ ߛߌ߲߬ߝߏ߲߫ ߣߌ߬ߣߌ߬ߣߍ߲ߓߊ ߟߋ߬ ߘߌ߫ ߡߍ߲ ߣߊ߬ ߘߊ߫ ߞߍ߫ ߛߏ ߘߎ߰ߕߌ߮ ߘߴߏ߬ ߞߐ߫.
ߝߐߛߕ ߟߋ߬ ߞߍ߫ ߘߊ߫ ߛߊߓߎ߫ ߘߌ߫ ߜߌ߬ߙߌ߲߬ߘߌ߬ߟߊ߲ ߛߋ߫ ߘߊ߫ ߓߌ߬ߟߊ߬ ߟߊ߫ ߛߋ߲߬ߠߊ߫ ߞߊ߬ ߖߎ߬ߓߌߟߊ ߟߎ߬ ߟߊߕߊ߬ߡߌ߲߫ ߜ߭ߎߕߊ߲ߓߍߙ ߡߊ߬߸ ߏ߬ ߡߍ߲ ߕߎ߲߬ ߓߘߊ߫ ߡߊ߬ߝߍ߬ߣߍ߲߬ߠߌ߲߬ ߝߟߐ ߟߎ߬ ߛߌ߰ ߛߋ߲߬ߠߊ߫ ߛߑߕߙߊߛߑߓߎߙ߸ ߛߓߍߢߌ߲߫ ߡߊߟߛߍߣߍ߲ ߓߐߒߣߘߐߕߊ ߟߎ߬ ߘߌ߫߸ ߦߊ߬ߣߴߊ߬ ߞߍߕߴߊ߬ ߡߊߞߍ߫ ߟߊ߫ ߡߊߦߍ߲ߛ ߏ߬ ߞߐ߫. ߁߄߅߀ ߟߊ߫߸ ߖߎ߬ߟߊ߬ߞߍ߫ ߢߊߛߎߡߊߣߍ߲߫ ߖߏ߬ߣߊߣ ߝߐߛߕ ߞߵߊ߬ ߛߋ߲߭ ߕߘߵߊ߬ ߘߐ߫ ߜ߭ߎߕߊ߲ߓߍߙ ߝߍ߬߸ ߞߵߊ߬ ߕߘߍ߬ ߏ߬ ߦߴߌ ߘߐ߫ ߞߊ߬ ߜߌ߬ߙߌ߲߬ߘߌ߬ߟߊ߲߫ ߛߓߍߢߌ߲߫ ߓߐߒߣߘߐߕߊ ߣߍ߰ߡߊ ߟߊߛߓߊ߬ߕߌ߫߸ ߏ߬ ߞߊ߬ ߝߑߟߏߙߍ߲ ߈߀߀ ߘߐ߲ߘߐ߫ ߜ߭ߎߕߊ߲ߓߍߙ ߡߊ߬; ߊ߬ ߓߊ߲߫ ߘߊ߫ ߞߊ߬ ߝߑߟߏߙߍ߲߫ ߈߀߀ ߜߘߍ߫ ߟߋ߬ ߘߐ߲ߘߐ߫ ߊ߬ ߡߊ߬ ߁߄߅߂ ߟߊ߫ ߣߴߊ߬ ߛߋ߫ ߘߴߊ߬ ߞߎ߲߭ߝߊ߰ ߟߊ߫.
ߜ߭ߎߕߊ߲ߓߍߙ ߞߵߊ߬ ߟߊ߫ ߓߌߓߟߎ߫ ߘߍ߰ߜߍ ߜߌ߬ߙߌ߲߬ߘߌ ߘߊߡߌ߬ߣߊ߫߸ ߞߏ߬ߣߵߏ߬ ߓߊ߯ߙߊ ߕߘߍ߬ ߦߴߊ߬ ߣߐ߲ߛߌ߲߫ ߕߊ߯ߡߊ ߟߋ߬ ߞߊ߲߬. ߓߌߓߟߎ ߏ߬ ߛߋ߫ ߘߊ߫ ߓߊ߲߫ ߠߊ߫ ߁߄߅߅ ߟߊ߫߸ ߏ߬ ߞߍ ߝߐߛߕ ߞߵߊ߬ ߟߊ߫ ߖߎ߬ߟߎ ߡߞߊߣߌ߲ ߘߊߡߌ߬ߣߊ߫. ߓߊ ߏ߬ ߛߊ߬ߙߊ ߕߎ߲߬ ߕߍ߫ ߜ߭ߎߕߊ߲ߓߍߙ ߓߟߏ߫ ߥߊ߯ߕߌ ߏ߬ ߟߊ߫ ߡߍ߲ߞߍ߬߸ ߝߐߛߕ ߞߵߊ߬ ߣߐ߬ߝߍ߬ߜߍ߲߫ ߞߕߌߘߊ ߟߊ߫. ߞߘߌߘߊ ߟߊ߫ ߞߕߌߟߊ ߞߐ ߘߐ߫߸ ߞߕߌ ߏ߬ ߡߍ߲ ߕߍ߰ ߘߊ߫ ߁߄߅߅ ߟߊ߫߸ ߞߏ߫ ߜ߭ߎߕߊ߲ߓߍߙ ߦߴߊ߬ ߓߟߏ߫ ߓߐ߫ ߊ߬ ߟߊ߫ ߜߌ߬ߙߌ߲߬ߘߟߌ߬ ߖߐ߯ߙߊ߲ ߠߎ߬ ߘߐ߫ ߞߵߊ߬ ߞߍ߫ ߓߟߏߢߐ߲߯ߠߛߊߦߌ ߘߌ߫.
߁߄߅߀ ߣߌ߫ ߁߄߅߅ ߟߊ߫߸ ߏ߬ ߞߵߊ߬ ߕߘߍ߬ ߔߌߕߍ ߛߑߛ߭ߏߋߝߍߙ ߕߘߍ߬ ߦߋ߫ ߜ߭ߎߕߊ߲ߓߍߙ ߓߟߏ߫ ߊ߬ ߟߊ߫ ߡߞߊ߬ߙߊ߲߬ߘߋ߲߬ߦߊ ߟߊ߫߸ ߏ߬ ߡߍ߲ ߓߊ߯ߙߘߊ ߕߘߍ߬ ߦߋ߫ ߓߊߓߌߟߊߟߌ ߘߌ߫. ߛߑߛ߭ߏߋߝߍߙ ߞߍ ߡߍ߲ ߞߍ߫ ߘߊ߫ ߝߐߛߕ ߛߙߋ ߘߌ߫ ߞߕߌߟߊ ߝߍ߬߸ ߞߏ߫ ߝߐߛߕ ߛߋ߲߭ ߕߘߍ߬ ߘߊ߫ ߜߌ߬ߙߌ߲߬ߘߌ߬ߟߊ߲߫ ߞߏ ߘߐ߫ ߁߄߅߅ ߟߊ߫߸ ߏ߬ ߟߋ ߞߊ߬ ߡߐ߱ ߟߎ߬ ߟߐ߬ ߊ߬ ߖߌ߰ ߟߊ߫ ߞߏ߫ ߜߋ߲߬ߞߘߎ߬ߢߐ߲߰ߦߊ߫ ߘߐߜߙߐ߬ߣߍ߲ ߠߋ߫ ߕߘߍ߬ ߦߴߊ߬ ߣߌ߫ ߝߐߛߕ ߕߍ߫. ߊߟߌߞߛ ߞߙߌߛߑߕߌ߫ ߝߊ߲߭ ߞߵߊ߬ ߓߛߌ߬ߞߌ߬ ߞߏ߫ ߛߑߛ߭ߏߋߝߍߙ ߕߘߍ߬ ߦߋ߫ ߝߐߛߕ ߓߊߙߌ߲ߣߍ߲ ߠߋ߬ ߘߌ߫߸ ߊ߬ ߞߊ߬ ߡߍ߲ ߠߊߡߐ߬ ߊ߬ ߘߋ߲ߦߊ ߟߴߊ߬ ߟߊ߫ ߝߊߙߌߕߦߊ ߕߎ߬ߡߊ ߟߊ߫߸ ߊ߬ߟߋ ߟߋ߬ ߞߵߏ߬ ߡߊߕߌ߲ߕߌ߲߫ ߜ߭ߎߕߊ߲ߓߍߙ ߟߊ߫ ߛߴߊ߬ ߘߴߊ߬ ߟߊ߫ ߛߌ߲ߘߟߌ ߟߊߛߓߊ߬ߕߌ߫ ߢߊ ߜߋ߬ߟߎ߲߫߸ ߊ߬ߟߋ߬ ߓߘߊ߫ ߥߏߘߌ߫ ߛߘߍߡߊ߲߫ ߘߏ߲߬ ߡߍ߲ ߘߊ ߟߊ߫.
ߝߐߛߕ ߣߌ߫ ߛߑߛ߭ߏߋߝߍߙ ߟߎ߫ ߘߍ߬ ߘߴߊ߬ ߣߌ߫ ߜ߭ߎߕߊ߲ߓߍߙ ߟߊ߫ ߞߏߟߊߘߍߢߐ߲߯ߦߊ ߞߐߝߍ߬. ߛߑߛ߭ߏߋߝߍߙ ߞߊ߬ ߝߎ߬ߙߊ߲߬ߟߊ߲ ߠߎ߬ ߣߌ߫ ߛߓߍߘߋ߲ߞߙߊߞߏ ߟߎ߬ ߓߌ߬ߟߊ߫ ߛߋ߲߬ߠߊ߫ ߡߍ߲ ߠߎ߬ ߟߊ߫ ߘߍ߬ߡߍ߲߬ߠߌ߲ ߞߊ߬ ߜߌ߬ߙߌ߲߬ߘߌ߬ߟߊ߲ ߠߊߛߴߊ߬ ߘߝߊߟߌ߫ ߘߊߞߎ߲ ߘߐ߫. ߞߍߟߌ߫ ߞߎߘߊ ߏ߬ ߘߋ߲߫ ߝߟߐ ߞߍ߫ ߘߊ߫ ߡߍ߲ ߘߌ߫߸ ߏ߬ ߟߋ ߥߊ߫ ߘߊ߫ ߞߍ߫ ߜߌ߬ߙߌ߲߬ߘߌ߬ߛߓߍߢߌ߲ ߜߍߘߐߕߊ ߛߐ߬ߘߐ߲ ߘߌ߫߸ (Jurandirationale divinorum officiurum)߸ ߝߐߛߕ ߣߌ߫ ߛߑߛ߭ߏߋߝߍߙ ߟߎ߫ ߞߵߏ߬ ߟߎ߫ ߟߋ߬ ߟߊߥߊ߲߬ߞߊ߲߬ ߁߄߅߉ ߟߊ߫߸ ߊ߬ ߣߌ߫ ߝߣߊ߫ ߏ߬ ߣߐ߬ߝߍ߬ߜߍ߲߫ ߘߴߏ߬ ߛߊ߲߬ߠߊ߬ߞߊ ߟߊ߫ ߞߊߕߏߟߌߞߐ߲߫ ߗ߭ߏߊߣߌߛ ߗ߭ߊߣߎߍ߲ߛߌߛ ߟߎ߫ ߟߊ߫.
߁߄߆߂ ߓߌߓߟߎ ߞߵߊ߬ ߞߎ߲߬ߓߐ߫ ߏ߬ ߞߐ ߘߐ߫߸ ߞߊ߬ ߛߓߍߢߌ߲ߞߏ ߟߊߘߌߦߊߢߍߓߊ ߢߌߣߌ߲ ߠߎ߬ ߞߍ߫. ߡߊߦߍ߲ߛ ߖߊ߬ߓߎ߰ߙߌ (ߞߏ߬ߣߌ߲߬ߛߋ߲) ߜߌ߬ߙߌ߲߬ߘߌ߬ ߞߏ߫ ߝߌ߬ߟߊ ߟߋ߬ ߞߐ߲߬ ߘߴߊ߬ ߟߊ߫ ߞߊ߬ߝߊ߫ ߛߊ߬ߓߊ ߟߎ߬ ߢߍ߫. ߖߊ߬ߓߎ߯ߙߎ ߜߌ߬ߙߌ߲߬ߘߌ߬ ߞߏ߫ ߝߌ߬ߟߊ ߢߐ߲߰ߦߋ߬ߓߊߟߌ ߟߎ߬ ߟߋ߬ ߞߍ߫ ߘߊ߫ ߜߌ߬ߙߌ߲߬ߘߌ߬ߛߓߍߢߌ߲ ߓߊ߯ߙߊ߫ ߡߞߊߓߊߣߍ߲߫ ߝߟߐ ߘߌ߫߸ ߡߍ߲ ߞߊ߬ ߞߎ߬ߛߊ߲߬ߧߊ߫ (ߛߌ߬ߦߊ߬ߞߌ) ߓߊ߰ߙߊ߬ߟߊ ߟߎ߫ ߘߊ߬ߓߊߙߌ ߓߊ߲߫߸ ߞߊ߬ ߓߍ߲߬ ߝߊߘߌ߲ߧߊ߫ ߡߊ߬߸ ߊ߬ ߣߌ߫ ߓߊ߯ߙߊ ߣߌ߫ ߞߎ߬ߛߊ߲߬ߧߊ߫ ߡߊ߬߸ ߛߑߛ߭ߏߋߝߍߙ ߟߊ߫ ߘߍ߲߰ߦߊ߬ߟߌ ߛߋ߫ ߘߊ߫ ߛߓߍߘߋ߲ ߏ߬ ߟߎ߫ ߟߛߍ߫ ߟߊ߫ ߢߊ ߡߍ߲ ߡߊ߬߸ ߡߍ߲ ߛߋ߫ ߘߊ߫ ߞߊ߬ ߥߊ߯ߕߌ ߏ߬ ߛߓߍߟߌ ߟߎ߬ ߘߐ߫ ߗߋ߲߱ ߓߊߓߌ߬ߟߊ߬ ߟߊ߫, ߞߊ߬ ߓߍ߲߬ ߞߟߏ ߟߎ߬ ߟߊ߫ ߗߋ߲߰ߧߊ ߣߴߊ߬ߟߎ߫ ߢߊ߬ߟߌ ߟߎ߬ ߡߊ߬ ߡߍ߲ ߠߎ߬ ߜߌ߬ߙߌ߲߬ߘߌ߬ߣߍ߲߫ ߦߋ߫ ߞߐ߬ߟߐ߫ ߛߓߊ߬ ߟߎ߫ ߘߌ߫߸ ߓߊ߯ߡߊ ߣߌ߫ ߥߎ߬ߟߋ߲߬ߡߊ߲߸ ߊ߬ ߣߌ߫ ߥߎ߬ߟߋ߲߬ߘߊ߲ߜߊ ߟߎ߫߸ ߊ߬ ߟߊߣߎ߲߬ߞߎ߬ ߢߊ߸ ߊ߬ ߓߍ߲߬ ߢߊ ߣߴߊ߬ ߖߋߞߎߦߊ߫ ߢߊ ߟߎ߬.
ߊ߬ ߞߍߕߊ ߞߍߣߍ߲ ߊ߬ ߟߊ߫ ߓߌߓߟߎ ߘߏ߫ ߦߌ߬ߘߊ߬ ߟߊ߫ ߟߐ߯ߓߊߟߐ ߘߏ߫ ߝߍ߬ ߁߄߆߃ ߟߊ߫ ߔߊ߬ߙߌ߫߸ ߛߓߍߟߌߟߊ ߟߎ߬ ߣߐ߬ ߘߌ߫ ߞߍ߫ ߝߎߛߕ ߜߍ߲߫ ߠߊ߫ ߦߋ߲߬ ߊ߬ ߣߌ߫ ߞߵߊ߬ ߡߊߝߌ߲߬ ߥߍ߲ߕߙߍߟߌ ߟߊ߫. ߊ߬ ߛߊ߬ ߘߴߊ߬ ߟߊ߫ ߕߊ߯ߡߊ߫ ߝߌߟߊߣߊ߲ ߛߋ߲߬ߝߍ߫ ߔߊ߬ߙߌ߫ ߁߄߆߆ ߟߊ߫߸ ߕߎ߬ߡߊ߬ߘߐ߫ ߊ߬ ߞߍߣߍ߲߫ ߘߌ߫ ߞߍ߫ ߝߎ߬ߖߎ߯ߖߎ ߟߋ߬ ߓߟߏ߫߸ ߊ߬ ߛߋ߫ ߘߊ߫ ߡߐ߰ ߁߀߀,߀߀߀ ߟߎ߫ ߘߟߊߘߍ߬ ߟߊ߫ ߞߎߓߋߘߊ ߟߊ߫ ߦߋ߲߬ ߘߓߊ߬ߓߌߟߊ ߣߌ߫ ߕߎߟߊߝߌ߲ ߠߎ߬ ߟߊ߫.
ߊ߬ ߘߋ߲ߡߛߏ߫ ߞߙߌߛߑߕߌߣߊ߫ ߡߍ߲ ߡߏߦߌ߫ ߘߊ߫ ߁߄߄߅ ߟߊ߫߸ ߏ߬ ߝߘߎ߫ ߘߊ߫ ߔߌߕߍ ߛߑߛ߭ߏߋߝߍߙ ߡߊ߬ ߁߄߆߅ ߟߊ߫. ߊ߬ߟߎ߫ ߞߊ߬ ߘߋ߲߫ ߣߊ߯ߣߌ߲߫ ߠߎ߫ ߛߐ߬ߘߐ߲߬ ߊ߬ ߣߌ߫ ߞߊ߬ ߜߌ߬ߙߌ߲߬ߘߊ߬ ߕߐ߯ߟߡߊ ߘߏ߫ ߜߘߌߛߌ߰ ߡߍ߲ ߘߎ߲ߡߊ߫ ߘߊ߫ ߞߊ߬ ߥߴߊ߬ ߛߋ߫ ߓߐ߲ߛߐ߲ߘߊ߫ ߣߊ߯ߣߌ߲߫ ߡߊ߬.
ߦߟߌߣߐ ߣߌ߫ ߦߟߌߡߊߛߙߋ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]- ↑ ߞߎߡߘߊ ߣߌ߲߬ ߘߟߊߡߌ߬ߘߊ߬ߣߍ߲߫ ߦߋ߫ ߝߊ߬ߙߊ߲߬ߛߌ ߥߞߌߔߋߘߌߦߊ ߝߢߐߘߊߟߋ߬ ߡߊ߬