Grensesnitt

Gildt når det me har laga kjem på Dagsrevyen! 😍 Innslaget om det KI-støtta lese- og skriveverktøyet kjem cirka 06:45 uti sendinga. https://lnkd.in/d8tKTk3U

Språkrådet er ute på nytt på nett, med fine og tekstbaserte nettsider ✨ Nettsidene er bygd på nytt på ein skreddarsydd WordPress-plattform, men mykje av det språklege gullet frå dei gamle nettsidene har fått vidare liv i ny drakt. Me har blant anna importert over 1000 språklege spørsmål og svar, ei årrekke med nyheiter og fleirfoldige sider med gigantiske tabellar av typen norske avløysarord for engelske ord, ordliste med omsetjing frå bokmål til nynorsk, og namn på statsorgan på både bokmål og nynorsk 🤯 Søket er forbetra med vekting av resultat basert på innhaldstypar, samt synonymordliste i søket slik at du skal få like gode resultat uavhengig av om du søkjer på nynorsk eller bokmål. Takk til våre eminente samarbeidspartnerar, Netlife, for design av både det visuelle og innhaldet, analyse og stødig prosjektleiing 🙏 🔗 https://sprakradet.no 👾 Design: Netlife 💻 Kode: Grensesnitt

Runar nyt sola og gjer seg straks klar til sommarferien sin ☀️ Starten av ferien kombinerar han med eit par dagar med fagleg påfyll på JSNation og React Summit i Amsterdam. Men, før han tar heilt fri, skal han koda ferdig ein autogenerering av brukarnamn og passord. Brukarnamna skal passa for 5. klassingar, så dei må vera barnevenlege, lette å hugsa og lette å skriva inn. Til dømes ********** (som ein god backendutviklar er Runar oppteken av sikkerheit, så me kan jo ikkje skriva brukarnamna rett ut her!) 😎 God sumar, Runar! 🥂

Vår gode kontor-kollega, Anders U. Waldeland i Norsk Regnesentral, stod for det digitale påfyllet i dag! ☕️ Han viste konkrete eksempel på korleis Norsk Regnesentral brukar maskinlæring og AI til å løysa komplekse utfordringar; blant anna til teljing av selungar 🦭, inspeksjon av jernbane 🚂, analyse av mammografibilete 🩻 og anonymisering av tekstar 🥸 Sidan det snart er sommar, diska Rits opp med herlege skjever toppa med jærske jordbær frå Herikstad. Desserten var bamsemums med jordbær på - ein overraskande god kombinasjon! 🍓 Takk til alle som starta dagen saman med oss! Og neste digitale påfyll, det vert etter sommaren 🙌

Sindre fiksar ting! 🤓 Nett no fiksar han nye nettsider til Rødne Fjord Cruise, oppdateringar for amina charging, lyd på frukosttreffet vårt, kald drikke i kjøleskapet, håndbrygga te, is på taket og smågodt til fredagskosen for å nemna noko 🍦 Når han er ferdig med å fiksa ting på kontoret så gledar han seg til å koma heim og fiksa i den 1000 kvadratmeter store hagen sin på Vasshus, og klappa på katten sin Sigve 🤝 Kan det fiksast? Klart det kan, seier Sindre!

Lagar, eller treng, du digitale ting og er interessert i AI? Torsdag 30. mai er det klart for ny utgåve av frukosttreffet «Digitalt påfyll - med kaffi og skjeva» ☕️🥪 Anders U. Waldeland jobbar i einmanns-distriktskontoret til Norsk Regnesentral her på Bryne. Han har jobba med AI og maskinlæring sidan før det vart kult og kjem til å visa konkrete eksempel på korleis Norsk Regnesentral løyser komplekse utfordringar med AI. Kom og få kaffi, skjeva og digitalt påfyll! 🏃🏃 🕐 Tid: torsdag 30. mai frå 08 – 09 📍 Stad: Rits Kafé & Vinstove på Bryne 🔗 Påmelding: https://lnkd.in/dwx3P3xi

Hege jobbar nett no med å få på plass dei siste detaljane på den nye nettsida til Syklistforeningen – eit prosjekt der Netlife har laga designet ✨ Ellers er Hege førstevalet for kundar som treng nye funksjonar og finpussing på nettsidene sine. Hege likar kompleksitet og har eit godt auge for detaljar! 🧐 På heimebane likar Hege komplekse puslespel, og det får me andre nyta godt av når ho tar dei med seg på kontoret etterpå 😅 1000 takk, Hege, for 2000 brikkar til pausepusling 🫶

Marek, vår langdistanseløpar, i innspurten på eit prosjekt der han har leia eit utviklingsteam i arbeidet med å bytta ut ERP-systemet til ei stor industribedrift 🦾 Lange løp med stor innvirkning for organisasjonen er det Marek likar best på jobben. Etter jobb likar han óg lange løp, men då med joggesko på! Intet mindre enn 50 km ultraløp er det han skal springa under Ecotrail Oslo 25. mai 🫨 Sjekk ut Marek Ziolkowski på Strava! 🤙

Her har du Vegard i full gang med å lasta ned ein ny AI-modell – du har vel høyrt om den nye Llama 3-modellen? 🦙 No skal han testa og sjå om denne Open Source-varianten kan utfordra ChatGPT. AI-optimist som han er, har han óg laga ein liten bildehjelp-funksjon ved hjelp av AI og skrive om det 🤓 🔗 https://lnkd.in/dzmk9sxn Til helga skal han ut og ta blinkskot av fuglar frå det nye flyteskjulet(!) sitt. Det er stor sannsynlegheit for at det kan bli fleire prisvinnande bilder denne gongen óg! Sjekk ut @flogvitfoto på Instagram! 🦅 #kontorliv

Nyt nytt nyheitsbrev frå Grensesnitt 🤗 Bildetekstar med AI, brukartesting og noko gildt frå internett: https://lnkd.in/gKsFFkhp Vil du ha brevet rett i innboksen din neste gong? Klikk «Subscribe» oppe til venstre! 🤙