Stryj

Stryj
Стрий
by
Flagg våpen
Motto: Semper fidelis
Land	Ukraina
Oblast	Lviv oblast
Rajon	Stryj rajon
Koordinatar	49°15′22″N 23°51′1″E
Areal	16,95 km²
Folketal	57 600  (2007)
Folketettleik	3 398 / km²
Grunnlagd	1200-talet
•  Magdeburgrettar	1431
Borgarmeister	Roman Sjramovjat
Tidssone	EET (UTC 2)
- Sommartid	EEST (UTC 3)
Postnummer	82400
Retningsnummer	380-3245
Bilnummer	BC (før 2004: ТА,ТВ,ТН,ТС)
Stryj 49.25°N 23.85°E / 49.25; 23.85
Kart som viser Stryj. Kart som viser Stryj.
Wikimedia Commons: Stryi
Nettstad: http://stryi-rada.gov.ua/index.php

Stryj (ukrainsk Стрий, polsk Stryj) er ein by på venstrebreidda av elva Stryj i Lviv oblast (provins) vest i Ukraina ved foten av Karpatane. Han er det administrative senteret i Stryj rajon (distrikt), medan sjølve byen er eit eige rajon i oblastet. Stryj reknar seg som den første byen i Ukraina som heiste det ukrainske gule og blå flagget, den 14. mars 1990, før Sovjetregimet fall.

Folkeutvikling

• 1843 -   8 000 innbyggjarar
• 1880 - 12 600 innbyggjarar
• 1900 - 22 600 innbyggjarar
• 1910 - 27 400 innbyggjarar
• 1931 - 30 500 innbyggjarar
• 1959 - 36 200 innbyggjarar
• 1970 - 48 000 innbyggjarar
• 1976 - 55 000 innbyggjarar
• 1989 - 67 000 innbyggjarar
• 2001 - 63 000 innbyggjarar
• 2006 - 61 700 innbyggjarar

Historie

Stryj vart først nemnd i 1385 og var då ein del av kongedømet Polen etter at det rutenske kongedømet fall. I 1431 fekk byen Magdeburgrettar og var ein del av Det rutenske voivodskapet fram til 1772.

Byen vart eit viktig handelssenter langs handelsvegen mellom Halytsj og Lviv og særleg på 1400- og 1500-talet med støtte frå den polske kongen Jan III Sobieski. Byen vart øydelagd under tatarraid i 1523 og 1634. Etter delinga avDet polsk-litauiske samveldet i 1772 vart byen ein del av Austerrike-Ungarn. I 1875 vart det bygd ein jernbanestasjon i byen og samstundes starta industrialiseringa. I 1886 førte ein stor bybrann til at nesten heile byen brann ned. Frå oktober 1914 til mai 1915 var byen okkupert av Det russiske imperiet. I 1915 fann eit blodig slag under første verdskrigen stad i Karpatane, kring fjellet Zwinin (992 moh), nokre kilometer sør for Stryj, der kring 33 000 russiske soldatar strauk med.

I november 1918 fann eit armert opprør stad i byen etter at han vart ein del av Den vestukrainske folkerepublikken. Stryj gjekk til Polen i mai 1919 og i 1939 til Sovjetunionen (Ukrainske SSR). Nazistane utrydda dei fleste jødane i byen. Under den kalde krigen låg Stryy flybase her.

Kjelder

• Denne artikkelen bygger på «Stryi» frå Wikipedia på engelsk, den 28. september 2012.
  • Wikipedia på engelsk oppgav desse kjeldene:

Bakgrunnsstoff

• Offisiell nettstad