Stolberg

Stolberg
Barbarakirche i Stolberg Barbarakirche i Stolberg
Byvåpen	Plassering
Styresmakter
Land Delstat Regierungsbezirk‎ Landkreis	Tyskland Nordrhein-Westfalen Köln Aachen
Geografi
Flatevidd  - By	98,52 km²
Innbyggjarar  - By (2007)    - folketettleik	58 540   863/km²
Koordinatar	50°46′0″N 06°14′0″E
Høgd over havet	260 m
Tidssone - Ved sommartid	CET (UTC 1) CEST (UTC 2)
Diverse annan informasjon
Postnummer	52222-52224
Telefon-retningsnummer	02402, 02408, 02409
Bilnummer	AC
Heimeside: www.stolberg.de

Stolberg er ein by i Tyskland i delstaten Nordrhein-Westfalen med om lag 58 000 innbyggjarar. Han ligg i kreisen Aachen og har ein lang tradisjon som industriby.

Geografi

Stolberg ligg om lag 5 km aust for Aachen i ein dal ved sida av Eifel, som går austover frå her i området Hürtgenwald. I sør grensar Stolberg til kommunen Monschau og i nord til Eschweiler.

Stolberg er delt inn i Unterstolberg og Oberstolberg, som inneheld det meste av gamlebyen. Andre delar av Stolberg er Atsch, Büsbach, Donnerberg og Münsterbusch. I tillegg har landsbyane Breinig, Dorff, Gressenich, Mausbach, Schevenhütte, Venwegen, Vicht, Werth og Zweifall vorte ein del av Stolberg.

Historie

Stolberg vart først nemnd i dokument frå 1100-talet. Han vart eit viktig senter for messingproduksjon då protestantiske messingprodusentar frå Aachen slo seg ned her rundt 1600 for å kome unna religiøs forfølgjing og økonomiske restriksjonar. Derfor fekk Stolberg kallenamnet Die Kupferstadt (Koparbyen).

Stolberg vart mindre viktig som messingprodusent då rein sink vart tilgjengeleg på midten av 1800-talet. Mange messingprodusentar flytta til andre industriar, særleg glas- og tekstilindustri.

Stolberg var ein del av hertugdømet Jülich fram til 1794 då han vart okkupert av Frankrike og vart ein del av kantonen Eschweiler i departementet Roer. Etter Wienerkongressen i 1815 vart Stolberg ein del av Preussen.

Stolberg vart kjend på 1960-talet som heimstad for thalidomid-produsenten Grünenthal.

I dag er det tre nynazistar i bystyret.

Kjelder

• Denne artikkelen er basert på ei omsetjing av artikkelen Stolberg (Rhineland) frå Engelsk Wikipedia .

Wikimedia Commons har multimedia som gjeld: Stolberg