Sionist
Ein sionist er ein tilhengar av sionismen, den jødiske nasjonalismen som vil ha ein eigen jødisk stat i større eller mindre delar av det historiske Palestina/Israel. Den politiske sionistrørsla blei skipa av Theodor Herzl i Sveits i 1897.
Innanfor sionismen er det fleire retningar. Hovudretningane er ei høgresionistisk og ei venstresionistisk retning, der venstresionismen vil ta meir omsyn til den arabiske folkesetnaden i området. Ein kan også skilje mellom sekulær og religiøs sionisme. Ein motstandar av sionismen blir kalla ein anti-sionist. Det finst ikkje-jødiske sionistar, mellom dei mange kristne i vestlege land, og det finst jødiske anti-sionistar, både blant religiøse og sekulære jødar.