Silvrettahorn

Silvrettahorn
fjell
Piz Buin (venstre) og Silvrettahorn frå nordaust over Ochsentalerbreen
Land	Austerrike, Sveits
Regionar	Vorarlberg, Graubünden
Fjellkjede	Silvretta
Høgd	3 244 moh.
Primærfaktor	195 m
Koordinatar	46°51′25″N 10°05′35″E
Førstestiging	Jules Jacot
- dato	1865
Silvrettahorn 46.858001°N 10.092342°E / 46.858001; 10.092342
Kart som viser Silvrettahorn. Kart som viser Silvrettahorn.
Wikimedia Commons: Silvrettahorn

Silvrettahorn er eit bredekt fjell i Silvrettafjella i Aust-Alpane. Landegrensa mellom Sveits og Austerrike går over den 3 244 meter høge fjelltoppen. På sveitsisk side ligg kantonen Graubünden og på austerriksk side forbundslandet Vorarlberg. Silvrettahorn og grannetoppane er i aust og nordaust omkransa av den to kolometer lange isbreen Ochsentaler Gletscher i dalen Ochsental, i nordvest går Klostertal og på sørsida ligg Silvrettagletscher.

Schneeglocke (3 223 m), Schattenspitze (3 202 m) og Klostertaler Egghorn (3 120 m) er grannetoppar til Silvrettahorn, alle ligg på austerriksk grunn. Grensa mellom dei to landa fylgjer den vestgåande fjellryggen med toppen Rotfluh (3 166 m) og over fjelltoppen Signalhorn (3 207 m).

Den geologiske oppbygginga av Silvrettahorn er ganske kompleks. Øvste delen høyrer til det såkalla Silvrettadecke, den høgstliggjande tektoniske plata i berggrunnen i Silvrettafjella. Delar er krystallinske grunnsteinar danna under svært høgt trykk på den tid Alpane vart oppbygt, noko som førte til at metamorfe bergartar vart danna. Der av finn ein glimmerrike gneisar i området, og inn i mellom lys granitt og amfibolitt.

Silvrettahorn vart klive fyrste gongen i 1865. Jules Jacot hadde med seg to fjellførarar på den turen. Utgangspunkt for ein tur til topps er i dag på austerriksk side fjellhytta Wiesbadener Hütte på 2 433 moh i Ochsental, samt frå sveitsisk side Silvrettahütte tilhøyrande Schweizer Alpen-Club på 2 341 moh.

Kjelder

• Denne artikkelen bygger på «Silvrettahorn» frå Wikipedia på tysk, den 12. mars 2010.