Siam-strøket i Bangkok
Siam (สยาม, romanisert Sayam, uttalt sà.jǎːm) er eit område i Pathum Wan-distriktet i Bangkok. Det er ikkje eit formelt administrativt område, men kjend lokalt og rekna som hjartet av Bangkok. Namnet «Siam» har vore knytt til området sidan Siam Intercontinental Hotel blei bygd her i 1964. Siam Square følgde i 1965, Siam Theater i 1967, Siam Bowl og Siam Center i 1973, Siam Discovery i 1997 og Siam stasjon, ein hovudstasjon for BTS Skytrain, i 1999.
Strøket ligg på land som tilhøyrer kongefamilien i Thailand. Det omfattar Sra Pathum-slottet og eit krongodsområde som er leigd ut til kjøpesenter på begge sider av Rama I-vegen.
Strøket har samband med Ratchaprasong-strøket ved hjelp av fleire gangbruer.
Historie
[endre | endre wikiteksten]
Kong Mongkut, som herska frå 1851–1868, gav ordre om å bygge eit lite lystslott på staden. Dette var Pathumwan-slottet eller 'Lotus-slottet'. Den første flyplassen i Thailand blei laga her.[1] Han fekk også bygd buddhisttempelet Wat Pathum Wanaram like ved.[1]
Då Don Mueang lufthamn opna i 1914 blei området ledig att. Det blei arva av prins Mahidol Adulyadej av Songkhla, far til kong Bhumibol Adulyadej.[1] Han fekk bygd eit nytt slott, Sra Pathum-slottet ('Lotusdamslottet').[1] Bryllaupa til både Mahidol Adulyadej og til sonen hans Bhumibol Adulyadej blei feira her i høvesvis 1920 og 1950. Prinsesse Srinagarindra, kona til Mahidol og mor til Bhumibol, budde i slottet i fleire tiår. Det blei seinare residensen til kongsdottera Maha Chakri Sirindhorn.[1]
Vegg i vegg med slottsområdet låg lenge Siam Intercontinental Hotel med eit parkområde. Dette var eit av dei første internasjonale hotella i Bangkok. Grunnsteinen for hotellet blei avduka av Srinagarindra den 11. desember 1964.[1] Etter at Siam Intercontinental Hotel blei rive blei kjøpesenteret Siam Paragon bygd her i 2005. Siam Kempinski Hotel Bangkok opna på det tidlegare hotellområdet i 2010.
Den eldste kinoen i Bangkok, Lido-kinoen, opna her i 1968[2] og vart lagt ned i 2018.[3] Scala-kinoen som opna i 1969 stengde i 2020.[4][5]
Næringsliv
[endre | endre wikiteksten]I Siam-strøket er kjøpesenter- og underhaldningsområdet Siam Square (thailandsk, สยามสแควร์) ) viktig.
Kjelder
[endre | endre wikiteksten]- Denne artikkelen bygger på «Siam area» frå Wikipedia på engelsk, den 1. juli 2018.
- ↑ 1,0 1,1 1,2 1,3 1,4 1,5 «Bangkok's Crucible of Construction». 2bangkok.com. Arkivert frå originalen 18. november 2005.
- ↑ «Exclusive City directs own tragedy». Bangkok Post. 2. juni 2018.
- ↑ Kong Rithdee (2. juni 2018). «Exclusive Lights out at Lido, but can art hub shine?». Bangkok Post.
- ↑ Final curtain drops at Scala theatre. Bangkok Post. Vitja 6. juli 2020
- ↑ Bunag, Tatat. The end of an era. Bangkok Post. Vitja 1. juli 2020. «The Scala, Thailand's last remaining stand-alone movie theatre, closes its doors»
