Robert Burås
| Robert Burås | |
 | |
| Statsborgarskap | Noreg |
| Fødd | 12. august 1975 Narvik |
| Død | |
| Yrke | musikar, låtskrivar, gitarist |
| Språk | norsk |
| Medlem av | Madrugada, My Midnight Creeps |
| Robert Burås på Commons | |
Robert Solli Burås (12. august 1975–12. juli 2007), også kjend som Bobby Cagehill, var ein norsk rockegitarist og låtskrivar frå Vassdalen i Bjerkvik i Nordland. Han var mest kjend som gitarist i Madrugada og som frontfigur, gitarist og vokalist i My Midnight Creeps.
Karriere
[endre | endre wikiteksten]Burås starta å spela gitar som elleve-åring. [1] Han overtok som gitarist i Madrugada i 1996 etter Marius Almås Johansen. Dette var allereie før gruppa hadde gjeve ut sin fyrste EP. Han var med i Madrugada i til saman 12 år, var med på å gje ut fem plater, fleire EP-ar og singlar, og vann fem Spellemannprisar med gruppa.
I 2003 skipa han bandet My Midnight Creeps saman med gitaristen Alex Kloster-Jensen. Med dei gav han ut to cd-ar (2003 og 2005) og vann både Spellemannprisen 2007 og Alarmprisen for same året. Han var også gitarist i musikkgruppa Savoy ein kort periode i 2004. [2]
Dødsfall og gravferd
[endre | endre wikiteksten]Den 12. juli 2007 vart Burås funnen død med gitaren i handa i bustaden sin i Oslo. Det var ingenting mistenkjeleg ved dødsfallet, ifylgje politiet. [3] My Midnight Creeps hadde mange konsertar på denne tida. Dei spelte på Hovefestivalen to veker før dødsfallet, og skulle ha spelt på Stavernfestivalen og på Slottsfjellfestivalen i Tønsberg i juli. [4] Han vart bisett den 19. juli i Sofienberg kyrkje, der Sivert Høyem leidde eit stort kor til minne om Burås.
Urna vart lagt ned i heimbygda Bjerkvik, ifylgje Dagbladet. Ein minnebenk vart seinare sett opp for Robert Burås i ein park på Grünerløkka i Oslo, der Burås ofte oppheldt seg.
Referansar
[endre | endre wikiteksten]- ↑ Dagbladet: Rocke-Norge hyllet Robert Burås (1975-2007)
- ↑ VG, 19.07.07: Mintes Robert Burås.
- ↑ Adressa.no, 13.07.07: Robert Burås er død., arkivert frå originalen 9. desember 2008, henta 9. februar 2011
- ↑ Ballade.no, 13.07.07: Robert Burås har gått bort., arkivert frå originalen 28. januar 2008, henta 9. februar 2011