Ralf Hütter
Ralf Hütter | |||
![]() Ralf Hütter av Ueli Frey, 1976 | |||
Fødd | 20. august 1946 (78 år) | ||
---|---|---|---|
Fødestad | Krefeld i Nordrhein-Westfalen i Tyskland | ||
Fødenamn | Ralf Hütter | ||
Opphav | Tyskland | ||
Aktiv | 1965 til i dag | ||
Sjanger | Elektronisk musikk Synthpop Krautrock | ||
Instrument | Synthesizer, klaverinstrument, vocoder, gitar, bassgitar, trommer, perkusjon, vokal | ||
Tilknytte artistar | Kraftwerk Organisation The Phantoms[1] The Quartermasters[2][3] | ||
Verka som | Musikar og vokalist |
Ralf Hütter (fødd 20. august 1946) er ein tysk klaverspelar og songar i electronica-bandet Kraftwerk. Etter at Florian Schneider slutta i bandet i 2008, er han den einaste som har vore med heilt frå starten av.
Biografi
[endre | endre wikiteksten]Hütter vart fødd i Krefeld i Tyskland. Han bur i dag nær Düsseldorf.[4] Han møtte Florian Schneider medan han studerte improvisasjon ved konservatoriet i Düsseldorf.[5]
Sykkelinteresse
[endre | endre wikiteksten]Ralf Hütter er ein entusiastisk tilhengjar av sykling. Ei vandesoge skal ha det til at då bandet var på verdsturné, så slapp bussen han av 100 km frå endestaden, slik at han kunne sykle den siste vegen. Bandet byrja å sykle då dei spelte inn albumet Die Mensch-Maschine seint i 1970-åra. Singelen «Tour de France» inneheld lydar av syklar som sykkelkjede, girmekanismar og pusting frå ein syklist. Ralf Hütter prøvde på denne tida å overtale bandet til å spele inn eit album basert på sykling, men dette vart ikkje noko av. Prosjektet vart til slutt gjeve ut som Tour de France Soundtracks i 2003.
Hütter var involvert i ei alvorleg sykkelulukke i 1983, under innspelinga av det skrinlagde albumet Techno Pop.[6] Berre singelen «Tour de France» og to demoar vart tilgjengeleg etter innspelingane. Han vart lagt i koma som følgje av ulukka.
Kjelder
[endre | endre wikiteksten]- ↑ Kollektiv - MySpace Music
- ↑ Ralf And Florian Appreciation Society - Facebook
- ↑ Ralf And Florian Appreciation Society - Facebook
- ↑ John Harris interviews Ralf Hütter: 'I got a new head, and I'm fine', The Guardian, 19 June 2009. Vitja 13. mars 2013
- ↑ Jon Savage interview with Ralf Hütter. 30 August 2012. Vitja 13. mars 2013, arkivert frå originalen 3. mai 2014, henta 13. mars 2013
- ↑ Pascal Bussy (1993). Man, Machine, and Music