Per-Willy Amundsen

Per-Willy Amundsen
Per-Willy Amundsen Foto: FrPMedia
Fødd	21. januar 1971 (53 år) Harstad kommune
Statsborgar av	Noreg
Parti	Framstegspartiet
Yrke	politikar
Utdanna ved	Norges handelshøyskole Høgskolen i Sør-Trøndelag Kanebogen skole
Ektefelle	Gry-Anette Rekanes Amundsen
Verv	Norsk justis- og beredskapsminister 20. desember 2016–17. januar 2018
Føregangar	Anders Anundsen
Etterfylgjar	Sylvi Listhaug (som justis-, beredskaps- og innvandringsminister)
Verv	Statssekretær i Kommunal- og moderniseringsdepartementet 16. oktober 2013–20. desember 2016
Verv	Stortingsrepresentant 2005–
Alle verv	statssekretær (Kommunal- og distriktsdepartementet, 2013–2016) vararepresentant til Stortinget (2001–2005) stortingsrepresentant (2005–2009) stortingsrepresentant (2009–2013) vararepresentant til Stortinget (2013–2017) stortingsrepresentant (2017–2021) Norsk justisminister (2016–2018) stortingsrepresentant (2021–)

Per-Willy Trudvang Amundsen (fødd 21. januar 1971) er ein norsk politikar for FrP og justisminister i regjeringa Solberg frå 20. desember 2016 til 17. januar 2018.

Han vart innvald på Stortinget frå Troms i 2005 og sit i perioden 2009–2013 som medlem av Kommunal- og forvaltningskomiteen. I tillegg er han innvandringspolitisk og samepolitisk talsmann for FrP. Frå 2005 til 2009 var han fraksjonsleiar for FrP og andre nestleiar i Kommunal- og forvaltningskomiteen. Han var varerepresentant i perioden 2001–2005.

Amundsen er utdanna innan økonomiske og administrative fag på siviløkonomstudiet ved Norges handelshøyskole i Bergen (1995), i tillegg til at han tok IKT-fag ved Høgskulen i Sør-Trøndelag frå 1999 til 2001. Han har for det meste arbeidd i IT-bransjen, mellom anna for Harstad kommune og Harstad trygdekontor og ulike datafirma, som Cinet Harstad, Nordata DA og Activ Online Technology. Han har også arbeidd som sjølvstendig næringsdrivande og har erfaring med ulike programmeringsspråk som Visual Basic, Java, C , HTML, i tillegg til dei fleste operativsystema. Frå hausten 1998 har han jobba med utviklinga av det norske IT-selskapet AOT GoOnline AS, og frå hausten 2003 i stillinga som R&D Manager. I 2001 vart han styreformann i selskapet.

Han byrja i politikken i Harstad FpU, der han var leiar frå 1986 til 1990. Frå 1989 til 1990 var han òg leiar i Troms FpU. I 1999 vart han vald inn i Harstad kommunestyre. Der sat han fram til 2005, frå 2003 som medlem av formannskapet. I tillegg var han leiar i Harstad FrP i perioden 2000–2002.

Kjelder

• Knut Olav Åmås [red.]: «Amundsen, Per-Willy» i Hvem er hvem? (Aschehoug, 2008)

Bakgrunnsstoff

• «Per-Willy Amundsen». Stortinget.no. 

• Biografi hjå Framstegspartiet
• Sámi Radio: Hevdet at samene ikke er urfolk Arkivert 2007-09-28 ved Wayback Machine. (31. mars 2006)