Nina Dumbadze
| Nina Dumbadze | |
 | |
| Statsborgarskap | Sovjetunionen |
| Fødd | 23. januar 1919 Odesa |
| Død | |
| Yrke | friidrettsutøvar, friidrettstrener, diskoskaster |
| Språk | russisk |
| Høgd | 178 centimeter |
| Ektefelle | Boris Djatsjkov |
Nina Jakovlevna Dumbadze (23. januar 1919–14. april 1983) var ein diskoskastar som vart europameister i øvinga i 1946 og 1950. Ho representerte Sovjetunionen.
Dumbadze vart fødd i Odessa av georgiske foreldre, og voks opp i Tbilisi. Frå 1946 til 1952 dominerte ho diskoskast for kvinner, med sigrar i dei internasjonale meisterskapane i 1946 og 1950, medan ho i 1952 vart nummer tre i øvinga under sommarleikane i Helsinki.
I OL-sesongen 1948 kasta Dumbadze diskosen 53,25 meter og sletta dermed Gisela Mauermayer sin tolv år gamle verdsrekord. Ho var ikkje med i London-OL, då Sovjetunionen ikkje deltok i leikane. Tre år seinare forbetra ho rekorden til 53,37 m. I august 1952 tok Nina Romasjkova over som verdsrekordhaldar med 53,61 m. Ein månad etterpå tok Dumbadze tilbake rekorden då ho oppnådde heile 57,04 m, ein rekord som stod til 1960, då Tamara Press auka den med elleve centimeter.
Medaljar og plasseringar i internasjonale meisterskap
[endre | endre wikiteksten]- EM 1946 i Oslo: Gullmedalje - 44,52 m, framom Ans Niesink (40,46 m)
- EM 1950 i Brussel: Gullmedalje - 48,03 m, framom Rimma Sjumskaja (45,79 m)
- OL 1952 i Helsinki: Bronsemedalje - 46,29 m
Kjelder
[endre | endre wikiteksten]- Denne artikkelen bygger på «Nina Dumbadze» frå Wikipedia på engelsk, den 7. august 2015.