Nashville Skyline
| Nashville Skyline Studioalbum av Bob Dylan | ||
| Språk | engelsk | |
| Utgjeve | 9. april 1969 | |
| Innspelt | 12. til 21. februar 1969 | |
| Sjanger | Countryrock, country | |
| Lengd | 27:14 | |
| Selskap | Columbia | |
| Produsent | Bob Johnston | |
| Bob Dylan-kronologi | ||
|---|---|---|
| John Wesley Harding (1967) |
Nashville Skyline | Self Portrait (1970)
|
| Singlar frå Nashville Skyline | ||
|
||
| Meldingar | |
|---|---|
| Karakter | |
| Kjelde | Karakter |
| AllMusic |  [1] |
| Chicago Tribune |  [2] |
| MusicHound Rock | 3.5/5[3] |
| The Rolling Stone Album Guide | [4] |
Nashville Skyline er det niande albumet til Bob Dylan, gjeve ut på Columbia Records i april 1969.
Albumet markerte ei stor endring for Dylan, som tidlegare var kjend for banebrytande, poetisk folkemusikk og rock'n'roll. Nashville Skyline, bygde vidare på den landlege stilen han eksperimenterte med på John Wesley Harding, og heile albumet er i countrystil. Albumet har eit meir grunnleggande tema, enkle songstrukturar og ei sjarmerande husleg kjensle. Dylan syng songane med ei heilt anna stemme enn han tidlegare nytta, langt mjukare og kjenslemessig.
Resultatet vart stort sett positive reaksjonar frå kritikarane og det vart ein kommersiell suksess. Albumet nådde tredjeplassen i USA og var det fjerde albumet til Dylan som gjekk til topps i Storbritannia. I Noreg nådde albumet andreplassen og låg 27 veker inne på lista.
Innspeling
[endre | endre wikiteksten]I februar 1969 vendte Dylan attende til Nashville for å starte på Nashville Skyline. Det hadde gått over eitt år sidan det førre albumet, John Wesley Harding, kom ut og det var femten månader sidan sist han var i studio.
Dylan spelte inn i Columbia sitt Studio A og starta innspelinga 13. februar 1969 med endelege opptak av «To Be Alone With You», «I Threw It All Away» og «One More Night». Dylan gjorde òg fleire forsøk på «Lay Lady Lay». Både «I Threw It All Away» og «Lay Lady Lay» vart skrivne i 1968, dei få songane Dylan skreiv dette året.
Songane på Nashville Skyline var særs tilbakelente og det same var innspelinga. I følgje Dylan tok han berre ein song, starta å spele, og så fekk dei andre henge seg på etter kvart. Dylan song songane med ein mjuk, country-aktig vokal og mange lyttarar vart overraska over denne «nye» røysta.
Ferdige opptak av «Peggy Day», «Tell Me That Isn't True», «Country Pie» og «Lay Lady Lay» vart gjort den 14. februar. Dei to neste dagane var det pause og Dylan skreiv då «Tonight I'll Be Staying Here With You». Innspelinga heldt fram 17. februar og «Tonight I'll Be Staying Here With You» vart då spelt inn. Ein instrumental, «Nashville Skyline Rag», vart òg spelt inn på starten av dagen, og seinare teken med på albumet.
Ein gong under innspelinga kom countrylegenda Johnny Cash på besøk. Han var ein ven av Dylan og på same plateselskap. Dei to spelte inn fleire duettar. Dei fleste av desse vart ikkje rekna som brukande, men Cash kom attende dagen etter for å spele inn fleire duettar. Dei spelte då inn «One Too Many Mornings» og «I Still Miss Someone», «Matchbox», «That's All Right Mama», «Mystery Train», «Big River», «I Walk the Line» og «Guess Things Happen That Way», gamle Sun-klassikarar spelt av Carl Perkins, Elvis Presley og Cash sjølv. Ingen av desse vart rekna som brukande. Dei spelte òg inn «Blue Yodel #1» og «#5», «Ring of Fire», «You Are My Sunshine», «Good Old Mountain Dew», «Careless Love», «Just A Closer Walk With Thee», «Five feet high and rising» og «Wanted Man». Ingen av desse vart heller nytta. Den einaste songen som vart nytta var ein duett med Dylan på «Girl from the North Country» (som opphavleg kom ut på The Freewheelin' Bob Dylan).
Det vart lagt på nokre fleire lydspor frå 19. til 21. februar og albumet var så ferdig.
Songar
[endre | endre wikiteksten]I motsetnad til andre countryrock-utflukter, som The Byrds sitt Sweetheart of the Rodeo, var Nashville Skyline langt meir basert på moderne country enn landleg folkemusikk. I 1969 hadde country vorte ein populær trend som flytta seg bort frå røtene sine og nærare popmusikk. Nashville Skyline følgde denne trenden og inneheldt fleire klisjear frå denne sjangeren.
Utgjeving
[endre | endre wikiteksten]Nashville Skyline vart gjort ferdig og gjeven ut i mai 1969. Nashville Skyline vart eit av dei bestseljande albuma til Dylan. Det vart gjeve ut tre singlar frå albumet, som alle fekk mykje speletid på radio. Trass i dramatiske musikalske og tekstmessige endringar, fekk Nashville Skyline god kritikk. Dylan heldt sine første konsertar sidan januar 1968 etter albumet kom ut, mellom anna på Isle of Wight-festivalen på Isle of Wight i England. Han hadde planar om å legge ut på turne etter festivalen, men dette skjedde ikkje, og det vart først i 1974 at Dylan igjen la ut på turne.
Innhald
[endre | endre wikiteksten]Alle songar er skrivne av Bob Dylan.
| Nr. | Tittel | Lengd |
|---|---|---|
| 1. | «Girl from the North Country» (med Johnny Cash) | 3:41 |
| 2. | «Nashville Skyline Rag» (Instrumental) | 3:12 |
| 3. | «To Be Alone with You» | 2:07 |
| 4. | «I Threw It All Away» | 2:23 |
| 5. | «Peggy Day» | 2:01 |
| Nr. | Tittel | Lengd |
|---|---|---|
| 6. | «Lay Lady Lay» | 3:18 |
| 7. | «One More Night» | 2:23 |
| 8. | «Tell Me That It Isn't True» | 2:41 |
| 9. | «Country Pie» | 1:37 |
| 10. | «Tonight I'll Be Staying Here with You» | 3:23 |
Medverkande
[endre | endre wikiteksten]- Bob Dylan - Gitar, munnspel, klaverinstrument, vokal
- Johnny Cash - vokal
- Pete Drake - pedalsteelgitar
- Kenneth A. Buttrey - trommer
- Charlie Daniels - bassgitar, gitar
- Bob Wilson - orgel, piano
- Charlie McCoy - gitar, munnspel
- Norman Blake - gitar, dobro
- Marshall Grant - bass på «Girl from North Country»
- Bob Wootton - elektrisk gitar på «Girl from North Country»
- W.S. Holland - trommer på «Girl from North Country»
Produksjon
[endre | endre wikiteksten]- Bob Johnston – plateprodusent
- Charlie Bragg – lydteknikar
- Neil Wilburn – lydteknikar
Salslister
[endre | endre wikiteksten]Vekeslister
[endre | endre wikiteksten]| År | Liste | Plassering |
|---|---|---|
| 1969 | Billboard 200[5] | 3 |
| 1969 | Cash Box Album Charts[6] | 3 |
| 1969 | Record World Album Charts[7] | 1 |
| 1969 | UK Top 75[8] | 1 |
Singlar
[endre | endre wikiteksten]| År | Singel | Liste | Plassering |
|---|---|---|---|
| 1969 | «I Threw it All Away» | Billboard Hot 100[9] | 85 |
| 1969 | «I Threw it All Away» | UK Top 100[10] | 30 |
| 1969 | «Lay Lady Lay» | Billboard Hot 100[9] | 7 |
| 1969 | «Lay Lady Lay» | UK Top 75[11] | 5 |
| 1969 | «Tonight I'll Be Staying Here with You» | Billboard Hot 100[9] | 50 |
Salstrofé
[endre | endre wikiteksten]| Region | Salstrofé | Salstal |
|---|---|---|
| Canada (Music Canada)[12] | Gull | 50 000^ |
| Storbritannia (BPI)[13] | Gull | 100 000[14] |
| USA (RIAA)[15] | Platina | 1,000,000[16] |
|
*salstala er basert på sertifiseringa aleine | ||
Kjelder
[endre | endre wikiteksten]- Denne artikkelen bygger på «Nashville Skyline» frå Wikipedia på engelsk, den 7. mars 2010.
- ↑ «Nashville Skyline». AllMusic. Henta 11. november 2018.
- ↑ Kot, Greg (25. oktober 1992). «Dylan Through the Years: Hits and Misses». Chicago Tribune. Henta 11. november 2018.
- ↑ Graff, Gary; Durchholz, Daniel (eds) (1999). MusicHound Rock: The Essential Album Guide (2nd utg.). Farmington Hills, MI: Visible Ink Press. s. 371. ISBN 1-57859-061-2.
- ↑ Brackett, Nathan; with Hoard, Christian (eds) (2004). The New Rolling Stone Album Guide. New York, NY: Fireside. s. 262. ISBN 0-7432-0169-8. Henta 11. november 2018.
- ↑ «Bob Dylan – Chart history». www.billboard.com. Henta 11. november 2018.
- ↑ «CASH BOX MAGAZINE: Archive of all issues from1942 to 1996». www.americanradiohistory.com. Henta 11. november 2018.
- ↑ «RECORD WORLD MAGAZINE: 1942 to 1982». www.americanradiohistory.com. Henta 11. november 2018.
- ↑ «Chart Stats – Bob Dylan – Nashville Skyline». chartstats.com. Arkivert frå originalen 21. juli 2012. Henta 11. november 2018.
- ↑ 9,0 9,1 9,2 «Bob Dylan – Chart history». www.billboard.com. Henta 11. november 2018.
- ↑ «I Threw it All Away UK Chart». officialcharts.com. Henta 11. november 2018.
- ↑ «Lay Lady Lay – UK Charts». officialcharts.com. Henta 11. november 2018.
- ↑ «Canadian album salstrofé – Bob Dylan – Nashville Skyline». Music Canada. Henta 11. november 2018.
- ↑ «British album salstrofé – Bob Dylan – Nashville Skyline». British Phonographic Industry. Henta 11. november 2018. Enter Nashville Skyline in the field Search. Select Title in the field Search by. Select album in the field By Format. Click Go
- ↑ «BPI Search». www.bpi.co.uk. Arkivert frå originalen 1. august 2017. Henta 11. november 2018.
- ↑ «American salstrofé». Recording Industry Association of America.
- ↑ «Gold & Platinum - RIAA». RIAA. Henta 11. november 2018.
