Nafissatou Thiam

Nafissatou Thiam
Statsborgarskap	Belgia
Fødd	19. august 1994 (30 år) Brussel
Idrett	friidrett
Tok del i	Sommar-OL 2016, Sommar-OL 2020
Utmerkingar	Årets friidrettsutøver i verden, storoffiser av Leopoldsordenen, Æresborger av Liege

Nafissatou Thiam (fødd 19. august 1994) er ein belgisk friidrettsutøvar frå Brussel som i tida 2016-24 vann åtte internasjonale gullmedalgar i sjukamp. Ho vart olympisk meister 2016, 2021 og 2024, verdsmeister 2017 og 2022, europameister 2018, 2022 og 2024.

Aktiv

Thiam vart juniorverdsmeister i sjukamp i 2013. Året etter oppnådde ho 6 508 poeng ved meistermøtet i Götzis i Austerrike og ho tok bronsen i sjukampen ved europameisterskapen i Zürich. I 2016 sette ho personleg rekord med 6 810 poeng då ho vann den olympiske gullmedaljen i Rio de Janeiro.

Våren 2017 vann Thiam femkampen i innandørs-EM i Beograd. Ho vann i mai månad meistermøtet i Götzis, der ho sanka 7 013 poeng og vart den fjerde utøvaren med over 7 000 sjukamppoeng. I tillegg sette ho belgisk rekord i spydkasting med 59,32 meter. Under verdsmeisterskapen 2017 i London viste ho seg atter som den beste sjukjemparen og vann med ein margin på 88 poeng. Både ved EM 2018 i Berlin og VM 2019 i Doha stod kampen om fyrsteplassen mellom Thiam og Katarina Johnson-Thompson frå Storbritannia. I Berlin vart det belgisk triumf og britisk sølv i sjukampen, i Doha bytta dei to utøvarane plass på sigerspallen. Sommaren 2021 vart dei olympiske sommarleikane avvika i Tokyo, og fem år etter ho vann OL-gull i Brasil, sikra Thiam seg OL-gull nummer 2. Sommaren 2022 vann ho sjukampen i så vel verdsmeisterskapen og i europameisterskapen. To år seinare vart hao europameister i Roma og ho sikra seg sitt tredje strake OL-gull under sommarleikane i Paris.

Thiam under den belgiske meisterskapen 2018

Medaljar og plasseringar i internasjonale meisterskap

• VM 2013 i Moskva: Nr 14 i sjukamp – 6 070 poeng
• EM 2014 i Zürich: Bronsemedalje i sjukamp – 6 243 poeng
• VM 2015 i Beijing: Nr 11 i sjukamp – 6 298 poeng
• EM 2016 i Amsterdam: Nr 4 i høgdehopp – 1,93 m
• OL 2016 i Rio de Janeiro: Gullmedalje i sjukamp – 6 810 poeng, framom Jessica Ennis-Hill (6 775 poeng)
• VM 2017 i London: Gullmedalje i sjukamp – 6 784 poeng, framom Carolin Schäfer (6 696 poeng)
• EM 2018 i Berlin: Gullmedalje i sjukamp – 6 816 poeng, framom Katarina Johnson-Thompson (6 759 poeng)
• VM 2019 i Doha: Sølvmedalje i sjukamp – 6 677 poeng, bakom Katarina Johnson-Thompson (6 981 poeng)
• OL i 2021 i Tokyo: Gullmedalje i sjukamp – 6 791 poeng, framom Anouk Vetter (6 689 poeng)
• VM 2022 i Eugene: Gullmedalje i sjukamp – 6 947 poeng, framom framom Anouk Vetter (6 867 poeng)
• EM 2022 i München: Gullmedalje i sjukamp – 6 628 poeng, framom Adrianna Sułek (6 532 poeng)
• EM 2024 i Roma: Gullmedalje i sjukamp – 6 848 poeng, framom Auriana Lazraq-Khlass (6 635 poeng)
• OL 2024 i Paris: Gullmedalje i sjukamp – 6 880 poeng, framom Katarina Johnson-Thompson (6 844 poeng)

Kjelder

• Denne artikkelen bygger på «Nafissatou Thiam» frå Wikipedia på tysk, den 30. april 2021.