Martin Handberg

Martin Handberg
	Martin Handberg
	;
Fødd	18. juli 1867; Flå kommune
Død	26. september 1940 (73 år)
Statsborgar av	Noreg
Parti	Høgre (ukjend; 1921), Senterpartiet (1921; 1940)
Yrke	politikar, bonde
Alle verv	stortingsrepresentant (1910–1912); vararepresentant til Stortinget (1925–1927); stortingsrepresentant (1928–1930); stortingsrepresentant (1931–1933); stortingsrepresentant (1934–1936); stortingsrepresentant (1937–1945) ;

Martin Halvorsen Handberg (18. juli 1867–26. september 1940) var ein norsk gardbrukar og politikar, fyrst medlem av Høgre, sidan av Bondepartiet. Han var stortingsrepresentant for Sør-Trøndelag 1910-12 og frå 1928 til han døydde.

Handberg var frå Flå i Sør-Trøndelag, der far hans var gardbrukar. Han tok i 1890 eksamen ved underoffiserskulen i Trondheim. To år seinare overtok han garden Handberg i Børsa etter morfaren, og dreiv garden sidan.

Frå 1895 var han medlem av heradsstyret i Børsa. Tida frå 1904 til 1922 var han ordførar i heradet. Elles var han styreformann i sparebanken og han var forlikskommissær. Han hadde og plass i fylkesutvalet i Sør-Trøndelag i ti år, 1921-31.

Handberg representerte Orkdalen krins og Høgre på Stortinget perioden 1910-12, og var då medlem av jarnbanekomiteen. Frå 1928 til han døydde var Handberg representant frå Sør-Trøndelag og av Bondepartiet. Etter nokre veker i lønningskomiteen var han medlem av utanriks- og konstitusjonskomiteen resten av si tid som stortingsmann. Frå 1931 var han og medlem av fullmaktskomiteen, samt eit par utvida stortingskomitear.

Kjelder

Lindstøl, Tallak: Stortinget og Statsraadet 1814-1914. Kristiania, 1914

Bakgrunnsstoff

«Martin Halvorsen Handberg». samfunnsveven.no. Henta 20. juni 2010. ^{[daud lenkje]}