Martin Höllwarth

Martin Höllwarth
Statsborgarskap	Austerrike
Fødd	13. april 1974 (50 år) Schwaz
Idrett	skihopping
Tok del i	Vinter-OL 2002, Skihopping under Vinter-OL 1992 – Normalbakke, Skihopping under Vinter-OL 1992 – Stor bakke, Skihopping under Vinter-OL 1992 – Laghopp, Skihopping under Vinter-OL 1998 – Laghopp

Martin Höllwarth (fødd 13. april 1974) er ein austerriksk tidlegare skihoppar frå Schwaz i Tirol. Han vann to individuelle OL-sølv i 1992 og ei VM-bronse i 2001. Både i 2001 og 2005 var han med på austerrikske firemannslag som vann VM-gull, siste gongen til og med to gullmedaljar. Höllwarth representerte skiklubben SC Mayrhofen.

Aktiv

Höllwarth var ein av dei fyrste austerrikske skihopparane som hoppa med V-stil. I 1991, knapt sytten år gammal, vart han juniorverdsmeister i skihopping. Han debuterte i verdscupen romjula 1991, der han vart nummer fire i opningsrennet i den tysk-austerrikske hoppveka. Straks etter hoppveka fekk han i Predazzo sin fyrste siger i eit verdscuprenn. Seinare i OL-sesongen vann Höllwarth tre sølvmedaljar under vinter-OL 1992i Albertville. I normalbakken kom han bakom landsmannen Ernst Vettori og i storbakken var finske Toni Nieminen dein som overgjekk han. I lagtevlinga fekk Höllwarth sølvmedalje saman med Ernst Vettori, Andreas Felder og Heinz Kuttin.

Dei fem sesongane 1993-97 var Höllwarth sjeldan å finne dei beste på resultatlistene i verdscupen. Berre ein og annan gongen slumpa han til å gjere to gode hopp, og kunne dermed notere seg for nokre få sigrar.

Frå 1998 til 2005 var Höllwarth tilbake mellom dei beste skihopparane i verda. Særleg flink og stabil var han i dei fire siste sesongane i perioden, og både i 2004 og 2005 kom han på femteplassen i verdscupen. Höllwarth vann åtte individuelle verdscuprenn, det fyrste i januar 1992 og det siste i januar 2005. 28 gongar (8-6-14) kleiv han på pallen i verdscuprenn.

Höllwarth la opp som skihoppar i 2008. Han bur i dag i Mieming.

Medaljar og besteplasseringar i internasjonale meisterskap

• OL 1992 i Albertville: Sølvmedalje både i normalbakken og i storbakken
• VM 1993 i Falun: Nr 16 i normalbakken
• VM 1997 i Trondheim: Nr 12 i normalbakken
• VM 1999 i Ramsau: Nr 5 i normalbakken
• VM 2001 i Lahti: Bronsemedalje i normalbakken og nr 4 storbakken
• OL 2002 i Salt Lake City: Nr 14 i storbakken
• VM 2003 i Val di Fiemme: Nr 7 i normalbakken
• VM 2005 i Oberstdorf: Nr 9 i storbakken

Medaljar i laghopp i internasjonale meisterskap

• OL 1998 i Nagano: Bronsemedalje, saman med Stefan Horngacher, Reinhard Schwarzenberger og Andreas Widhölzl
• VM 1999 i Ramsau: Bronsemedalje, saman med Horngacher, Schwarzenberger og Widhölzl
• VM 2001 i Lahti: Gullmedalje og bronsemedalje; saman med Horngacher, Wolfgang Loitzl og Andreas Goldberger
• VM 2005 i Oberstdorf: To gullmedaljar, begge saman med Loitzl, Widhölzl og Thomas Morgenstern.

Verdscupsigrar

Nr.	Dato	Stad	Land
1.	10. januar 1992	Predazzo	Italia
2.	19. desember 1992	Sapporo	Japan
3.	5. februar 1997	Willingen	Tyskland
4.	7. desember 2002	Trondheim	Noreg
5.	14. desember 2002	Titisee-Neustadt	Tyskland
6.	15. desember 2002	Titisee-Neustadt	Tyskland
7.	18. januar 2004	Zakopane	Polen
8.	6. januar 2005	Bischofshofen	Austerrike

Kjelder

• Denne artikkelen bygger på «Martin Höllwarth» frå Wikipedia på bokmål, den 4. desember 2012.
• Denne artikkelen bygger på «Martin Höllwarth» frå Wikipedia på tysk, den 4. desember 2012.

Bakgrunnsstoff

• (en) Martin Höllwarth – Profil og resultatoversikt hos FIS
• «Martin Höllwarth» (på engelsk). olympedia.org. Henta 10. februar 2023.