Madaba

Madaba
مدينة مادبا
by
Våpenskjold
Land	Jordan
guvernement	Madaba guvernement
Høgd	763 moh.
Koordinatar	31°43′N 35°48′E
Areal	39,440 km²
•  storbyområde	100 km²
Folketal	84 600  (2011)
Folketettleik	2 145 / km²
kommune sidan	1921
Borgarmeister	Arif Rawajeeh
Retningsnummer	(962)5
Madaba 31.716666666667°N 35.8°E / 31.716666666667; 35.8
Kart som viser Madaba. Kart som viser Madaba.
Wikimedia Commons: Madaba
Nettstad: http://www.madabacity.gov.jo

Madaba (arabisk مادبا) er ein by sentralt i Jordan og det administrative senteret i Madaba guvernement, med eit folketal på kring 85 000. Han er mest kjend for mosaikken frå bysantinarane og omajadane, særleg eit stort mosaikk-kart frå bysantinsk tid av Det heilage landet. Madaba ligg 30 km sørvest for hovudstaden Amman.

Historie

Madaba har ei lang historie som strekkjer seg frå yngre steinalder. Madaba var ein gong ein grenseby i kongedømet Moab og var nemnt i Bibelen i Fjerde mosebok 21:30 og Josva 13:9. Sjølve Madaba er datert til midten av bronsealderen.

Under styret til dei romerske og bysantinske rika frå 100- til 600-talet, var byen ein del av Provincia Arabia som vart oppretta av den romerske keisaren Trajan for å erstatte det nabateiske kongedømet Petra. Under styret til det islamske Omajadekalifatet var han ein del av det sørlege Jund Filastin.

Det første spora av eit kristent samfunn i byen, med sin eigen biskop, finn ein frå Khalkedon-rådet i 451, der Konstantin, metropolitten av Bostra (provinshovudstaden) signerte på vegner av Gaiano, «biskopen av Medabeni.»

Den gresk-ortodokse basilikaen St. Georg i Madaba

Byen vart busett på ny i mellom ruinane av oldtidsbyen av 90 arabiske kristne familiar frå Kerak i sør, leia av to italienske prestar frå det latinske patriarkatet i Jerusalem i 1880. Det var starten på den arkeologiske undersøkinga av området.

Mosaikk-kartet frå 500-talet av Jerusalem på Madaba-kartet.

Madabakartet vart oppdaga i 1896 og trekte til seg merksemda frå forskarar verda over. Mosaikken syner eit kart over regionen, datert til 500-talet, og er bevart i golvet på den gresk-ortodokse basiliaken St. Georg. Med to millionar bitar av farga stein, syner kartet åsar og dalar, landsbyar og byar i Palestina og Nildeltaet.

Venskapsbyar

Madaba er venskapsby med:

• Betlehem i Den palestinske sjølvstyresmakta

Kjelder

• Denne artikkelen bygger på «Madaba» frå Wikipedia på engelsk, den 7. oktober 2015.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Madaba

• visitmadaba.org Arkivert 2008-03-19 ved Wayback Machine.