Lavangen kyrkje
| Lavangen kyrkje | |||
| kyrkje | |||
 Foto: Torbjørn S | |||
| Land |  Noreg
| ||
|---|---|---|---|
| Fylke | Troms | ||
| Kommune | Lavangen | ||
| Kyrkjesamfunn | Den norske kyrkja | ||
| Bispedøme | Nord-Hålogaland | ||
| Prosti | Indre Troms | ||
| Sokn | Lavangen | ||
| Fellesråd | Lavangen | ||
| Periode | Sveitser/nygotikk | ||
| Arkitekt | Jacob Wilhelm Nordan | ||
| Material | Tre | ||
| Innvigd | 1891 | ||
| • Endringar | Våpenhus og tårnfot restaurerte etter brann i 1979 Dåpsrom utvida og toalett bygd 6. oktober 1988 | ||
| Tårn | I vest | ||
| Kor | Rett avslutta | ||
| Kyrkjegard | Ja | ||
| Altartavle | Jesu dåp e. Adolph Tidemand | ||
| Sitjeplassar | 360 | ||
 Lavangen kyrkje 68°46′20″N 17°48′06″E / 68.7721°N 17.8018°E | |||
| Wikimedia Commons: Lavangen kirke | |||
Lavangen kyrkje er ei langkyrkje i Lavangen kommune i Troms. Kyrkja vart innvigd 6. oktober 1891 av biskop Johannes N. Skaar. Ho var opphavleg kapell-kyrkje i Ibestad prestegjeld. Etter dette har ho òg vore under Salangen prestegjeld før ho fekk eige prestegjeld/sokn i Lavangen.
Det var byggmeister O. Scheistrøen frå Namsos som bygde kyrkja. Arbeidet tok til våren 1890. Kyrkja er ei lafta tømmerkyrkje. Det vart gjort fleire endringar under bygginga. Mellom anna vart tårnet flytta til enden av kyrkja og ikkje plassert på midten, slik som på teikningane. På grunn av takstein måtte taket ha ein brattare vinkel. Då vart mønet høgare, og dei valde difor òg å byggje tårnet høgare. Kyrkja er godkjend for 360 sitjeplassar.
Kyrkja ligg på ei høgd ved enden av Kirkeveien, nær fylkesveg 84.
Inventar
[endre | endre wikiteksten]Mykje av inventaret i kyrkja har vorte tilført etter at kyrkja vart innvigd. Ei stor mengde av inventar er gjeven i gåver eller pengar som er donert.
Altartavla
[endre | endre wikiteksten]Altartavla har ein kopi frå 1903 av Adolph Tidemand sitt bilete Jesu dåp frå Treeiningskyrkja i Oslo.
Preikestolen
[endre | endre wikiteksten]Utsmykkinga av preikestolen med dei fire evangelistane er utført av kunstnaren Karl Erik Harr i 2005 og gjeven som gåve til Lavangen kyrkje som eit minne om mormora hans, som kom frå Lavangsnes.
Orgelet
[endre | endre wikiteksten]I 1907 vart det gamle orgelet til Ibestad kyrkje teke i bruk. Dette vart reparert med pengar frå Ibestad Sparebank, kommunen og Aa-Soløy kvinneforening. Dagens orgel vart teke i bruk 1. desember 1946. Det var opphavleg bygd til Melhus kyrkje i 1892 av firmaet August Nielsen. Orgelet har 17 register, to manual og pedal.
-
Altartavla har ein kopi av Adolph Tidemand sitt bilete Jesu dåp frå Treeiningskyrkja i Oslo. -
Preiestolen er måla av Karl Erik Harr. -
Orgelet vart teke i bruk 1. desember 1946. -
Votivskipet er åttringen «Harald», til minne om Harald Martinussen, som omkom i ei ulukke i 1960. -
Brurestolar skorne av Andreas Nilsskog.
Kjelder
[endre | endre wikiteksten]- Denne artikkelen bygger på «Lavangen kirke» frå Wikipedia på bokmål, den 7. september 2019.
- Lavangen kirke 1891–1991. Lavangen: Lavangen kyrkjelyd. 1991.
- Ronny Trælvik og Lill-Karin Elvestad (2016). Kirkene i Troms II. Bok i Nord. s. 90–99. ISBN 9788293393085.
- Alf Henry Rasmussen (1993). «Lavangen kirke, Lavangen». Våre kirker. Norsk kirkeleksikon. Kirkenær: Vanebo forlag. s. 141. ISBN 82-75-27022-7.
Bakgrunnsstoff
[endre | endre wikiteksten]- «Lavangen kyrkje». Kirkesøk. Den norske kyrkja.
- Lavangen kyrkje i kulturminnesok.no, nettstaden til Riksantikvaren