Knud Bull
| Knud Bull | |
.jpg) | |
| Statsborgarskap | Noreg |
| Fødd | 10. september 1811 Bergen |
| Død |
23. desember 1889 (78 år) |
| Yrke | kunstmålar |
| Knud Bull på Commons | |
Knud Geelmuyden Bull (10. september 1811–23. desember 1889) var ein norsk-australsk målar som var bror av fiolinisten og komponisten Ole Bull og arkitekten Georg Andreas Bull.[1]
Han fekk truleg den første målarutdanninga si i København, og fekk seinare ein del undervising hjå Jacob Calmeyer i Bergen. I 1833–34 var han elev av J.C. Dahl i Dresden.[1]
I 1845 drog han frå Stockholm til Storbritannia, der han laga ei trykkplate for 100 spesidalar for å kunna produsere falske norske pengesetlar. Han blei avslørt, stilt for retten og dømd til forvising til Australia i 14 år. I 1846 kom han til straffekolonien på Norfolkøya vest for Australia. Året etter blei han flytta til Tasmania. I 1853 blei han frigjeven, men blei som mange andre forviste fangar verande i Australia. Han slo seg ned i Hobart, der han etablerte seg som profesjonell landskapsmålar.[1]
Han flytta til Sydney i 1856. Året etter blei han tatt for sjekkforfalsking, men frifunnen på grunn av mangel på bevis. I åra som følgde gav han undervising og tok diverse tilfeldig arbeid, men måla lite sjølv.[1]
Knud Bull er rekna som ein pioner innan australsk målarkunst. Han er representert i alle dei sentrale musea i Australia. Berre nokre få verk av han er kjende frå Noreg.[1]
Galleri
[endre | endre wikiteksten]-
Tuengen i Vestre Aker (1836) -
Portrett av Christopher Malthe (1830) -
The wreck of 'George the Third' (1850)
Kjelder
[endre | endre wikiteksten]Bakgrunnsstoff
[endre | endre wikiteksten]- Norsk kunstnerleksikon, b. 1 : A-G, side 354-355, digital utgåve
- Ragnar Kvam jr. Straffen Gyldendal 1999.
- Familens sorte får. Aftenposten Historie Nr. 2 2019. s. 66-71