Knarvik
| Knarvik | |||
| tettstad | |||
 Knarvik sett frå Høstefjellet i Bergen kommune
| |||
| Land |  Noreg
| ||
|---|---|---|---|
| Fylke | Vestland | ||
| Kommune | Alver | ||
| Areal | 3,85 km² | ||
| Folketal | 6 590 (2023) | ||
| Folketettleik | 1 712 / km² | ||
| Postnummer | 5914 ISDALSTØ | ||
| Innbyggjarnamn | Knarviking | ||
 Knarvik 60°32′45″N 5°17′02″E / 60.54583333°N 5.28383333°E | |||
Knarvik er ein tettstad og administrasjonssenter i Alver kommune, og fungerer som regionsenter for Nordhordland. Tettstaden har 6 590 innbyggjarar per 1. januar 2023. Postadressa til Knarvik er Isdalstø, som ligg kring 2 kilometer frå Knarvik.
Før 1970-talet var her ikkje meir enn kring 30 innbyggjarar, men då Hordaland fylkeskommune avgjorde at Knarvik skulle byggjast opp som regionsenter, skaut utviklinga fart. Knarvik Senter vart i løpet av få år eitt av dei største kjøpesentera i landet. Kommuneadministrasjonen vart flytta til Knarvik frå Lindås, som ligg nord i kommunen.
Bustadutbygging, skuleutbygging og auka næringsverksemd førte til at Knarvik vart den største tettstaden i Nordhordland i løpet av 1980-talet. Fram til opninga av Nordhordlandsbrua i 1994 var ferjesambandet som batt saman Nordhordland med Bergen, Knarvik-Steinestø, det mest trafikkerte i landet målt i tal på bilar.
I september kvart år vert mosjonsløpet Knarvikmila skipa til.
Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.