Katie Boyle
| Katie Boyle | |
 | |
| Fødenamn | Caterina Irene Elena Maria Imperiali di Francavilla |
| Statsborgarskap | Storbritannia, Kongedømet Italia |
| Fødd | 29. mai 1926 Firenze |
| Død |
20. mars 2018 (91 år) |
| Yrke | skodespelar, programleiar, skribent, dyrerettsforkjempar, filmskodespelar, stemmerettsforkjempar |
| Språk | engelsk, italiensk |
| Medlem av | National Woman's Party |
| Far | Demetrio Imperiali, Marchese di Francaville |
| Mor | Dorothy Kate Ramsden |
| Ektefelle | Richard Boyle, 9th Earl of Shannon, Greville Baylis, Peter Saunders |
| Katie Boyle på Commons | |
Caterina Irene Elena Maria Boyle, lady Saunders (fødd 29. mai 1926 i Firenze, død 20. mars 2018[1]), best kjend som Katie Boyle, var ein britisk skodespelar og TV-personlegdom. Ho deltok i ei rekkje tv-program i Storbritannia frå slutten av 1950-åra, og ho leia fire utgåver av Eurovision Song Contest – meir enn nokon andre.[2]
Bakgrunn
[endre | endre wikiteksten]Boyle blei fødd i Firenze i Italia, som dotter av ein italiensk marki og den engelske kona hans. Boyle drog til Storbritannia i 1946 og starta ein modellkarriere der ho blant anna gjorde oppdrag for Vogue. I 1950-åra spela ho også i filmar som Old Mother Riley, Headmistress (1950),[3] I'll Never Forget You (1951), Not Wanted on Voyage (1957), Intent to Kill (1958) og The Diary of Major Thompson (1955), filma i Frankrike av Preston Sturges.[4]
Mot slutten av 1950-åra byrja Boyle som kanalvert i BBC Television Service, og ho fekk raskt ein stor karriere innan britisk fjernsyn. Ho dukka opp som paneldeltakar i ulike underhaldingsprogram på BBC utover i 1960-åra.[5]
Boyle er også kjend for å ha vore programleiar for Eurovision Song Contest. Til saman leia ho fire internasjonale finalar: 1960 i London, 1963 i London, 1968 i London og 1974 i Brighton. I 1974 skal ho ha stilla på scena uten undertøy under satengkjolen. Det sterke studioljoset gjorde nemleg undertøyet synleg under kjolen, og ho droppa undertøyet kort tid før sending.[6] Boyle fekk kultstatus innan Eurovision-miljøet, og ho var æresgjest då BBC arrangerte Eurovision Song Contest 1998 i Birmingham.
Privatliv
[endre | endre wikiteksten]I 1947 gifta Boyle seg med earl Richard Bentinck Boyle. Ekteskapet blei løyst opp i 1955, men ho heldt på etternamnet. Same år gifta ho seg med løpshest-eigaren Greville Baylis, og dei var gift fram til han døydde i 1976. I 1976 gifta ho seg med teatermannen Peter Saunders som døydde i 2003.
I boka Queen Elizabeth II: A Woman Who Is Not Amused, hevda forfattar Nicholas Davies at Boyle hadde ein langvarig romanse med prins Philip i 1950-åra.[7] Boyle avviste sjølv påstandane: «Det er latterleg, berre oppspinn. Når noko står på trykk, trur folk på det. Du kan heller ikkje gå rettens veg, for det er å helle bensin på bålet, så du må berre godta at folk fortel løgnar om deg», sa ho i eit intervju i 2004.[8]
Kjelder
[endre | endre wikiteksten]- ↑ «Eurovision host Katie Boyle dies aged 91». BBC News (på engelsk). 20. mars 2018. Henta 22. mars 2018.
- ↑ «Katie Boyle, iconic Eurovision Song Contest host, dies at 91 - Eurovision Song Contest Lisbon 2018». eurovision.tv. Henta 22. mars 2018.
- ↑ «Old Mother Riley». Picasaweb.google.co.uk. 20. august 2007. Henta 22. juli 2017.[daud lenkje]
- ↑ Boyle, Katie, What This Katie Did: An Autobiography. Littlehampton Book Services Ltd, 1. utgave (9. oktober 1980); ISBN 978-0-297-77814-1.
- ↑ Turow, J. (2010), Playing Doctor: Television, Storytelling, and Medical Power, University of Michigan Press, 978-0472034277, side 296.
- ↑ O'Connor, John Kennedy. The Eurovision Song Contest – The Official History. Carlton Books, Storbritannia 2007; ISBN 978-1-84442-994-3
- ↑ Davies, Nicholas. Queen Elizabeth II: A Woman Who Is Not Amused. A Birch Lane Press Book; ISBN 1-55972-217-7
- ↑ Brandreth, Gyles (5. september 2004). «Portrait of a marriage». The Sunday Telegraph. Henta 22. juli 2017.
- Denne artikkelen bygger på «Katie Boyle» frå Wikipedia på bokmål, den 30. mai 2023.
Bakgrunnsstoff
[endre | endre wikiteksten]
- Katie Boyle hos Internet Movie Database.
- Katie Boyle hos The Movie Database.
- Katie Boyle hos Rotten Tomatoes.