Karragenan
Karragenan er eit finmale pulver som er produsert av raudalgar. Stoffet er i næringsmiddelteknologien brukt som fortjukkingsmiddel og stabilisator i mellom anna iskrem, sjokolademjølk og ferdigproduserte puddingdessertar, og har den eigenskapen at det dannar gelé når det blir blanda med mjølk. I produkt med redusert feittinnhald kan karragenan tilsetjast for å gjere konsistensen saftigare, til dømes i produkt som pølser og leverpostei. E-nummeret til stoffet er E407.[1][2]
Karragenan har inkje næringsinnhald. Kjemisk er det eit heterogent polysakkarid bygd opp av dei enkle sukkerartane D-galaktose og 3,6-anhydro-D-galaktose. Karragenan har vorte kopla til danning av betennelse i tjukktarmen, som mellom anna kan føre til tarmkreft.[3][4][5] Andre studiar utførte av Livsmedelsverket i Sverige og Verdas helseorganisasjon (WHO) vurderer stoffet som trygt å få i seg.[6] I Noreg har matprodusentar som Nortura og Orkla ASA vedteke å fase ut karragenan frå alle produkta sine.[7]
Referansar
[endre | endre wikiteksten]- ↑ «karragenan». Det Norske Akademis ordbok. Henta 14. oktober 2018.
- ↑ «karragenan». Store norske leksikon. Henta 14. oktober 2018.
- ↑ «Is Carrageenan Safe?». Andrew Weil. Henta 14. oktober 2018.
- ↑ «Is Carrageenan Bad For You?». Is It Bad For You?. Henta 14. oktober 2018.
- ↑ «Kosthold ved Ulcerøs Kolitt og Crohns Sykdom». Lommelegen. Arkivert frå originalen 15. oktober 2018. Henta 14. oktober 2018.
- ↑ «Karragenan – är det farligt eller inte?». metro.se. Arkivert frå originalen 16. oktober 2018. Henta 16. oktober 2018.
- ↑ «Derfor fjernes karragenan fra mange matprodukter nå». Verdens Gang. Henta 21. september 2022.