Kampen kyrkje i Oslo

Kampen kyrkje
kyrkje
Kyrkjesamfunn	Den norske kyrkja
Bispedøme	Oslo
Prosti	Oslo domprosti
Sokn	Kampen
Fellesråd	Oslo
Type	Langkyrkje
Periode	Nygotisk
Arkitekt	Jacob Wilhelm Nordan
Teknikk	Mur
Material	Tegl
Innvigd	1882
Kyrkjegard	Nei
Altartavle	Axel Ender
Sitjeplassar	550
Kampen kyrkje 59.91195°N 10.781971°E / 59.91195; 10.781971
Wikimedia Commons: Kampen kirke

Kampen kyrkje er ei langkyrkje frå 1882 på Kampen i Oslo kommune, vigsla 29. november 1882. Kyrkja er ei utprega nygotisk kyrkje oppført i upussa teglstein, teikna av Jacob Wilhelm Nordan. Det er 550 plassar i kyrkja.

Altartavla i kyrkja er frå 1884. Axel Ender har måla biletet i altartavla, som viser kvinnene ved Jesu tomme grav påskemorgon, eit motiv Ender har brukt ei rekkje gonger, mellom anna i Molde domkyrkje. Dei fire evangeliesymbola, utført av Enevold Thømt i 1913, er å sjå over fire av dei indre dørene i kyrkja. I åra 1989–1994 vart vindauga i kyrkja utsmykka med tolv store og seks små glasmåleri og to rosettar over inngangsdørene, utført av Peer Lorentz Dahl (1915-2005). Han har òg teikna kyrkjas antependium, preikestolklede, messehaklar i kyrkjeårets farger, og har måla serien med målarstykke som heng på søylene i kyrkja, og som til saman dannar krossvegen, Jesu lidingsveg på langfredagen. Serien skildrar dei fjorten stasjonane (dei særskilde hendingane) på Jesu veg frå staden der Pilatus seier dødsdomen over han til han vert lagt i grava, og skal lesast i rekkjefølgje frå målarstykket i nærleiken av preikestolen, ned mot inngangsdøra og opp att på andre sida av midtgangen. Motivet på altartavla syner konklusjonen: Jesus sigrar over døden, og med han sigrar dei truande òg over døden og får evig liv. Målarstykka er frå 1999, innvigd i fastetida i 2000.

I våpenhuset står ein madonnaskulptur (skulptur av jomfru Maria med barnet) i marmor frå 1992, laga av skulptøren Knut Steen

Det er ikkje gravplass ved kyrkja.

Litteratur

• Kirkebøe, M.C. (2007). Knut Arve Tvedt og Øyvind Reisegg, red. Oslos kirker i gammel og ny tid (2 utg.). Oslo: Kunnskapsforlaget. s. 37-38. ISBN 978-82-573-1946-5. 
• Tvedt, Knut Are, red. (2010). Oslo byleksikon (5 utg.). Oslo: Kunnskapsforlaget. s. 291. ISBN 978-82-573-1760-7. 
• Øverland, Olava (1995). Våre altertavler. Oslo: Det Norske Samlaget. s. 174-175. ISBN 82-521-45000-0. 

Bakgrunnsstoff

• Kampen kyrkje
• Om Kampen kyrkje
• Kyrkjesøk
• Artemisia.no
• Kampen kyrkje i Oslo i kulturminnesok.no, nettstaden til Riksantikvaren

Denne Osloartikkelen er ei spire. Du kan hjelpe Nynorsk Wikipedia gjennom å utvide han.