Hurghada

Hurghada, الغردقة
Horisonten til Hurghada
Styresmakter
Land Guvernement	Egypt Al-Bahr al-Ahmar
Geografi
Innbyggjarar[1]  - By (2006)	160,746
Koordinatar	27°15′28″N 33°48′42″E
Høgd over havet	11 m
Tidssone	2 (UTC)
Diverse anna
Heimeside: http://www.hurghada.com

Hurghada (arabisk الغردقة, El Ġardaqa) er ein by i Egypt. Byen ligg på vestkysten av Raudehavet og er hovudstaden i guvernementet Al-Bahr al-Ahmar. Hurghada lever hovudsakleg av turisme.

Næringsliv

Dei store turistattraksjonane i byen er strendene langs Raudehavet og korallreva. Her finst også gode høve til snorkling og dykking. Ikkje langt frå Hurghada-kysten ligg det fleire koralløyar. Nord, aust og sør for byen er det hovudsakleg ørken, og byen har då også eit varmt ørkenklima.

I Hurghada finst det i dag ei rekkje hotell, og hotella eig størsteparten av strendene langs kysten. I tillegg finst her kjøpesenter, basargater og internasjonal flyplass. Byen har vegsamband nordover mot Kairo og Suez og sørover mot grensa til Sudan. Ferjesamband mellom Hurghada og Sharm el-Sheikh, samt mellom Hurghada og Sinaihalvøya.

Kjelder

• «Hurghada» i Store norske leksikon, snl.no.