Giorgio Vanzetta
Giorgio Vanzetta | |
Statsborgarskap | Italia |
Fødd | 9. oktober 1959 (64 år) Cavalese |
Idrett | langrenn |
Tok del i | Vinter-OL 1994, Vinter-OL 1992, Vinter-OL 1984, Vinter-OL 1988, Vinter-OL 1980, Ski-VM 1982, Ski-VM 1985, Ski-VM 1987, Ski-VM 1989, Ski-VM 1991, Ski-VM 1993, Ski-VM 1995, Ski-VM 1997 |
Utmerkingar | Gullkraven for sportslig fortjenste |
Giorgio Vanzetta (fødd 9. oktober 1959) er ein italiensk tidlegare langrennar frå Cavalese som vann OL-gull i 4 x 5 km stafett med Italia i 1994, og totalt seks VM- og OL-medaljar i tida 1985-94.
Aktiv
[endre | endre wikiteksten]Vanzetta fekk sitt internasjonale gjennombrot under Ski-VM 1985, då han vart fjerdemann på 15 km og landsmannen Marco Albarello verdsmeister. Få dagar var dei same to med å vinne sølv i 4 x 10 km stafett. I mars 1986 kom Vanzetta for fyrste av tre gongar på pallen i eit verdscuprenn, han vart då nummer tre på 15 km i Lahti, om lag eit halvt minutt bak svenskane Torgny Mogren og Gunde Svan.
Under dei olympiske vinterleikane 1992 i Albertville sikra Vanzetta seg ein bronsemedalje både i jaktstarten og på femmila. I dei same leikane fekk han ei sølvmedalje i 4 x 10 km stafett, og året etter vann han sitt tredje stafettsølv i karrieren då VM 1993 fann stad i Falun. Den 22. februar 1994 gjekk Vanzetta den tredje etappen for italienske firemannslaget som vann gull i 4 x 10 km stafett under Vinter-OL 1994 på Lillehammer, etter at Silvio Fauner spurtslo norske Bjørn Dæhlie på oppløpet. Maurilio De Zolt og Marco Albarello gjekk dei to fyrste etappane for Italia.
Medaljar og besteplasseringar i internasjonale meisterskap
[endre | endre wikiteksten]- Vinter-OL 1980 i Lake Placid: Nr 6 i stafett
- Ski-VM 1982 i Oslo: Nr 9 på tremila
- Vinter-OL 1984 i Sarajevo: Nr 14 på 15 km
- Ski-VM 1985 i Seefeld in Tirol: Nr 4 på 15 km, sølv i 4 x 10 km stafett
- Ski-VM 1987 i Oberstdorf: Nr 7 på 15 km
- Vinter-OL 1988 i Calgary: Nr 5 på tremila
- Ski-VM 1989 i Lahti: Nr 14 på 15 km i klassisk stil
- Ski-VM 1991 i Val di Fiemme: Nr 4 på 15 km
- Vinter-OL 1992 i Albertville: Bronsemedaljar på jaktstarten og femmila, sølv i 4 x 10 kmstafett
- Ski-VM 1993 i Falun: Sølv i 4 x 10 km stafett. Nr 7 på jaktstarten
- Vinter-OL 1994 på Lillehammer: Gullmedalje i 4 x 10 km stafett, nr 8 på femmila
- Ski-VM 1995 i Thunder Bay: Nr 4 på femmila
- Ski-VM 1997 i Trondheim: Nr 11 på femmila
Kjelder
[endre | endre wikiteksten]- Denne artikkelen bygger på «Giorgio Vanzetta» frå Wikipedia på tysk, den 13. mars 2017.
Bakgrunnsstoff
[endre | endre wikiteksten]- «Giorgio Vanzetta» (på engelsk). Olympedia.
- Einskildmenn
- Fødde i 1959
- Italienske langrennsløparar
- Olympiske meistrar for Italia
- Olympiske sølvmedaljevinnarar for Italia
- Olympiske bronsemedaljevinnarar for Italia
- Italienske deltakarar under vinter-OL 1980
- Langrennsløparar under vinter-OL 1980
- Italienske deltakarar under vinter-OL 1984
- Langrennsløparar under vinter-OL 1984
- Italienske deltakarar under vinter-OL 1988
- Langrennsløparar under vinter-OL 1988
- Medaljevinnarar under vinter-OL 1992
- Italienske deltakarar under vinter-OL 1992
- Langrennsløparar under vinter-OL 1992
- Medaljevinnarar under vinter-OL 1994
- Italienske deltakarar under vinter-OL 1994
- Langrennsløparar under vinter-OL 1994