Fonolitt

Ægirin-fonolitt, varietet tinguaitt frå Särna-området, Sverige. Mørke prismatiske mineral er fenokrystall av ægirin.

Fonolitt er ein tett, finkorna lavabergart som består av alkalifeltspat, nefelin (eller evt. leucitt) og vekslande mengder av mørke mineral. Han sprekk ofte opp i tynne plater som kling når ein slår på dei, som har gjeve namnet. Bergarten er særleg utbreidd i område med ung (tertiær og kvartær) vulkanisme. Den tilsvarande djupbergarten er foidsyenitt (vanlegvis nefelinsyenitt).

Kjelder

• Fonolitt. (14. februar 2009). I Store norske leksikon. Henta 14. februar 2014 frå http://snl.no/fonolitt.