Even Rejerson

Even Rejerson
	Even Rejerson
Fødd	22. oktober 1826; Laudal
Død	11. desember 1890 (64 år)
Statsborgar av	Noreg
Parti	Venstre
Yrke	politikar, lærar, bonde
Alle verv	stortingsrepresentant (1871–1873); stortingsrepresentant (1874–1876); stortingsrepresentant (1877–1879); stortingsrepresentant (1880–1882); stortingsrepresentant (1883–1885); stortingsrepresentant (1886–1888) ;

Even Rejerson (22. oktober 1826–11. desember 1890) var ein norsk lærar og stortingsmann frå Laudal i Vest-Agder.

Rejerson var son til ein bonde på garden Fidje i Laudal. Han gjekk ut frå Holt seminar i 1846 og var dei neste seks åra lærar i Holum. 1852/53 underviste han ved døveinstituttet i Kristiansand og var så lærar i Mandal 1854-56. Den lange perioden frå 1856 til 1888 var han lærar og kyrkjesongar i Holum. Etter han fram til 1876 hadde budd på skulegarden i bygda, busette han seg sin eigen gard, Kaddeland. Frå 1887 vart han statsrevisor.

Han var medlem av heradsstyret i Holum frå 1866 til -89. Fire av åra var han ordførar i heradet, 18 år varaordførar. Dessutan forlikskommissær med mange kommunale verv.

Rejerson representerte Lister og Mandals amt på Stortinget i seks samanhengande valbolkar, 1871-1888. Heile tida var han medlem av protokollkomiteen, sekretær i komiteen frå 1880. Han vart medlem av Venstre si partiforeining då denne vart skipa i 1884.

Han døydde i Kristiania i 1890.

Kjelder

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Even Rejerson NSD Norsk senter for forskningsdatas politikararkiv