Europarørsla

	Europarørsla
	;
Type	eingetragener Verein
Skipa	25. oktober 1948
Hovudkontor	Brussel
Leiar	Jo Leinen
Verkeområde	Europa
Omsetjing	650 000 euro (2019)
Donasjonar	250 000 euro (2019)
Nettstad	https://www.europeanmovement.eu

Europarørsla er ei europeisk rørsle som arbeider for å fremja demokrati, fridom, fred, kulturforståing og sosial utjamning gjennom tettare europeisk integrering. Rørsla har hovudkontor i Brüssel.

Historie

Commiteen for den Europeiske Einingsrørsla, som hadde som føremål å samordna politisk og økonomisk integrering i Europa i etterkrigstida vart stifta på Haagkonferansen, der rundt 800 europeiske delagatar, pluss observatørar frå Canada og USA var samla 7.–11. mai 1948. Rørsla femna vidt og samla støtte frå heile det politiske spekteret. Statsleiarar som Konrad Adenauer, Winston Churchill, Harold Macmillan, François Mitterrand, Paul-Henry Spaak, Albert Coppé og Altiero Spinelli deltok på konferansen. Haagkonferansen kan sjåast på som starten på den den europeiske unionen.

25. oktober 1948 skifta rørsla namn til Europarørsla (Mouvement européen). Duncan Sandys vart vald til president og Léon Blum, Winston Churchill, Alcide De Gasperi og Paul-Henri Spaak vart «ærespresidentar». I dag er Pat Cox president. Han var tidlegare president for Europaparlamentet og tok over etter José María Gil-Robles i 2006

Eit viktig resultat av arbeidet til Europarørsla var stiftinga av Europarådet i mai 1949. Europa-colleget vart òg stifta i 1949. På 50-talet arbeidde rørsla med å skipa nettverk og stifta diskusjonsgrupper både i aust- og vest-Europa. Rørsla var òg ein av pådrivarane for opprettinga av Europaparlamentet og for Maastricht-traktaten.

Den norske greina

Den norske greina vart stifta 30. mai 1949. Rørsla arbeider for at Noreg skal verta medlem av EU og stortingsrepresentant Svein Roald Hansen (Ap) er leiar for den norske greina av Europarørsla og Grete Berget er generalsekretær. Rørsla samarbeider tett med Europeisk Ungdom.

Tillitsvalde

Presidentar i Europarørsla

Namn	Tidsrom
Jo Leinen	2011 til i dag
Pat Cox	2005–2011
José María Gil-Robles	1999–2005
Mario Soares	1997–1999
Valéry Giscard d'Estaing	1989–1997
Enrique Barón Crespo	1987–1989
Giuseppe Petrilli	1981–1987
Georges Berthoin	1978–1981
Jean Rey	1974–1978
Walter Hallstein	1968–1974
Maurice Faure	1961–1968
Robert Schuman	1955–1961
Paul-Henri Spaak	1950–1955
Duncan Sandys	1948–1950

Sjå òg

Kjelder

Bakgrunnsstoff

Commons har multimedium som gjeld: Europarørsla

Offisiell nettstad