Emmanuel Petit
![]() Petit i 2005 | |||
Personleg informasjon | |||
---|---|---|---|
Fullt namn | Emmanuel Laurent Petit | ||
Fødselsdato | 22. september 1970 (53 år) | ||
Fødestad | Dieppe i Frankrike | ||
Høgd | 187 cm | ||
Posisjon | Midtbanespelar | ||
Seniorkarriere* | |||
År | Lag | Kampar | (Mål) |
1988-1997 | Monaco | 222 | (4) |
1997-2000 | Arsenal | 85 | (9) |
2000-2001 | Barcelona | 23 | (1) |
2001-2004 | Chelsea | 55 | (2) |
Totalt | 385 | (16) | |
Landslag | |||
1990-2003 | Frankrike | 63 | (6) |
* Seniorklubbkampar og mål berre telt for nasjonal liga |
Emmanuel Laurent Petit (fødd 22. september 1970) er ein fransk tidlegare fotballsspelar frå Dieppe som vart verdsmeister 1998 og europameister 2000 med Frankrike.
Aktiv
[endre | endre wikiteksten]Klubbspel
[endre | endre wikiteksten]Petit var forsvarspelar i AS Monaco frå 1989 til 1997. Han var med å vinne den franske cupfinalen i 1991 og vart så seriemeister i sin siste sesong med klubben. Sommaren 1997 vart han overført til London-klubben Arsenal FC, som då vart trena av Arsène Wenger, hans tidlegare sjef i Monaco.
I Arsenal vart Petit omskulert til defensiv midtbanespelar, ein posisjon han hadde resten av karrieren. I sin fyrste sesong hos Arsenal var han med på å vinne dobbelt, då laget gjekk til topps i både Premier League og FA-cupen. Etter tre år i Arsenal flytta han til FC Barcelona, der han hadde ein suksessfattig sesong. Allereie sommaren 2001 var han tilbake i London, men då hos byrivalen Chelsea FC. Han vart etter kvart benkeslitar og la opp i 2004.
Landslagsspel
[endre | endre wikiteksten]Petit deltok i verdsmeisterskapane i fotball 1998 og 2002, og i europameisterskapen 2002. Under verdsmeisterskapen 1998 på heimebane var han ein av dei store profilane på det franske landslaget som tok landets fyrste VM-tittel. Han skåra då sigersmålet i gruppespel-kampen mot Danmark, og i VM-finalen mot Brasil signerte han den siste målet i kampen, 3-0-målet. I tida 1990-2003 aksla Petit den franske landslagdrakta 63 gongar, og skåra seks mål.
Merittar
[endre | endre wikiteksten]- Verdsmeister: 1998 for Frankrike
- Europameister: 2000 for Frankrike
- Fransk seriemeister: 1997 med AS Monaco
- Fransk cupmeister: 1991 med AS Monaco
- Engelsk ligameister: 1998 med Arsenal FC
- Vinnar av FA-cup: 1998 med Arsenal FC
Kjelder
[endre | endre wikiteksten]- Denne artikkelen bygger på «Emmanuel Petit» frå Wikipedia på engelsk, den 7. juni 2016.
- eu-football