Elsa Skjerven

Elsa Skjerven
	Elsa Skjerven
	; Elsa Skjerven i 1968 Foto: Ørnelund, Leif / Oslo Museum
Fødd	11. desember 1919; Oslo
Død	29. oktober 2005 (85 år)
Statsborgar av	Noreg
Parti	Kristeleg Folkeparti
Yrke	politikar
Alle verv	vararepresentant til Stortinget (1965–1969); Norsk barne-, familie-, likestillings- og inkluderingsminister (1965–1971); vararepresentant til Stortinget (1969–1973); vararepresentant til Stortinget (1973–1977) ;

Elsa R. Skjerven (11. desember 1919–29. oktober 2005) var ein norsk politikar for Kristeleg Folkeparti. Ho var statsråd og sjef for Familie- og forbrukardepartementet (familie- og forbrukarminister) i Per Borten si regjering frå 1965 til 1971, i til saman 5 år, 5 månader og 5 dagar. Som vararepresentant til Stortinget møtte ho til saman 76 dagar.

Biografi

Elsa Skjerven var fødd i Oslo. Ho tok eksamen i elementær musikkteori ved Musikkonservatoriet i 1941, og utdanna seg som lærar ved Elverum lærerskole i 1943. Ho var gymnastikklærar ved Levanger lærerskole, Innherred sykepleierskole og Strinda realskole og gymnas. Ho budde i Trondheim i 40 år, og var medlem av bystyret i 23 år. Mot slutten av denne tida var ho kommunalråd i kultur- og undervisningssektoren i åtte år. I 1982 flytta ho til Bærum, der ho levde til ho døydde.

Medlem av Trondheim bystyre frå 1959 til 1983, frå 1972 også medlem av formannskapet
Vararepresentant til Stortinget i periodane 1965–1969, 1969–1973 og 1973–1977
Medlem av Sør-Trøndelag fylkesting frå 1979 til 1982
Medlem av Kringkastingsrådet
Medlem av Marknadsrådet
Medlem av landsstyret i Kristeleg Folkepartis Kvinner i 12 år.
Formann for Kristeleg Folkepartis Kvinner frå 1974 til 1976.

Denne artikkelen bygger på «Elsa Skjerven» frå Wikipedia på bokmål, den 7. mars 2010.