Eivind Henriksen

Eivind Henriksen
Statsborgarskap	Noreg
Fødd	14. september 1990 (34 år) Oslo
Idrett	friidrett
Tok del i	Sommar-OL 2012, Friidrett under Sommer-OL 2020 – Sleggekast menn

Eivind Prestegård Henriksen (fødd 14. september 1990) er ein norsk sleggjekastar frå Oslo. Han vann sølvmedaljen i øvinga under dei olympiske sommarleikane i 2021. Året etter sikra han seg bronsemedaljen i sleggjekastinga både ved verdsmeisterskapen og i europameisterskapen. Henriksen er medlem i IK Tjalve og norsk rekordhaldar i sleggjekasting med 81,58 meter. Tidlegare har han også kasta diskos.

Aktiv

Henriksen har fleire medaljar i sleggje og diskos frå NM i friidrett 2007-2011. Han deltok i sleggjekast under EM i friidrett 2012 i Helsingfors og fekk også delta under Sommar-OL 2012 i London. I London-OL kasta han 74,62 meter og enda på ein 13. plass.

Under EM i friidrett 2018 i Berlin vart han nummer fem, og forbetra norgesrekorden til 76,86 meter. Seinare same året flytte han rekorden til 78,25 meter.

Henriksen kom på sjetteplass i VM i friidrett 2019 i Doha med eit lengste kast på 77,38 meter.

Han deltok i sleggje under Sommar-OL 2020 i Tokyo. Der tok han ein overraskande sølvmedalje. Han oppnådde 81,58 meter, og vart med det første norske sleggjekastar over 80 meter.

Merittar

• EM 2010 i Barcelona: Nr 22 – 69,98 m
• VM 2011 i Daegu: Nr 24 – 71,27 m
• EM 2012 i Helsinki: Nr 14 – 72,54 m
• OL 2012 i London: Nr 14 – 74,62 m
• EM 2014 i Zürich: Nr 17 – 72,31 m
• EM 2016 i Amsterdam: Nr 16 – 71,93 m
• EM 2018 i Berlin: Nr 5 – 76,86 m
• VM 2019 i Doha: Nr 6 – 77,38 m
• OL i 2021 i Tokyo: Sølvmedalje – 81,58
• VM 2022 i Eugene: Bronsemedalje – 80,87 m
• EM 2022 i München: Bronsemedalje – 79,45 m
• VM 2023 i Budapest: Nr 7 – 77,06 m
• EM 2024 i Roma: N 7 –76,51 m
• OL 2024 i Paris: Nr 4 – 79,19 m

Kjelder

• Denne artikkelen bygger på «Eivind Henriksen» frå Wikipedia på bokmål, den 21. juli 2012.

Bakgrunnsstoff

• «Eivind Henriksen» (på engelsk). Olympedia. Henta 3. mars 2023.