Edmund Bruggmann

	Edmund Bruggmann
	;
Statsborgarskap	Sveits
Fødd	15. april 1943; Flums
Død	9. juni 2014 (71 år); Walenstadt
Idrett	alpint
Tok del i	Vinter-OL 1968, Vinter-OL 1964, alpine skiing at the 1972 Winter Olympics – men's giant slalom

Edmund Bruggmann (15. april 1943–9. juni 2014)^[1] frå Flums var ein sveitsisk skirennar og seinare hotelldrivar i Flums. Han vann sølvmedaljen i storslalåm under vinter-OL 1972 i Sapporo. I verdscupen i alpint kom han same OL-sesongen på tredjeplass samanlagt.

Aktiv

Bruggmann slo seg inn i verdseliten først i 1968. Året før hadde han som best ein niandeplass i verdscupen. Til vinter-OL 1968 i Grenoble fekk han plass i den sveitsiske OL-troppen. I olympiaden vart han høvesvis nummer 10 og 12 i utfor og storslalåm. I storslalåmcupen av verdscupen 1968 kom han på andreplass. Under VM i alpine greiner 1970 i Gherdëina vart han nummer fem i den alpine kombinasjonen, men i spesialøvingane var han som best nummer 12 i utfor. Sitt beste resultat i eit internasjonalt meisterskap oppnådde han under vinter-OL 1972. Han kom då på sølvplassen i storslalåmtevlinga, men var over sekundet bak olympiameisteren Gustav Thöni frå Italia. I slalåmtevlinga hamna han på åttandeplassen.

Gjennom åra han deltok i verdscupen vann Bruggmann fem renn. I tillegg kom han fem gongar på andreplass og fire gongar på tredjeplass. Verdscupen i alpint 1972 kom han på tredje plass i verdscupen, bak verdseinaren Gustav Thöni og Henri Duvillard frå Frankrike. Som i 1968 kom han på andreplassen i storslalåmcupen.

Sesongane 1973 og 1974 klarte han sjeldan å markere seg i alpinløypa, ein femteplass i storslalåm i Val-d'Isère på innleiinga av 1973/74-sesongen var hans beste resultat. Bruggmann la opp i 1974.

Verdscupsigrar

Dato	Stad	Land	Øving
4. januar 1968	Bad Hindelang	Tyskland	Storslalåm
17. februar 1969	Kranjska Gora	Jugoslavia	Slalåm
5. januar 1971	Berchtesgaden	Tyskland	Storslalåm
16. mars 1972	Gherdëina	Italia	Storslalåm
19. mars 1972	Pra-Loup	Frankrike	Storslalåm

Kjelder

↑ Edy Bruggmann verstorben., skiclubskiclub-flumserberg.ch, 12. juni 2014.

Denne artikkelen bygger på «Edmund Bruggmann» frå Wikipedia på tysk, den 3. februar 2012.

Bakgrunnsstoff

(en) Edmund Bruggmann – Profil og resultatoversikt hos FIS

[skiclub-1] Edy Bruggmann verstorben., skiclubskiclub-flumserberg.ch, 12. juni 2014.

[1]

Edmund Bruggmann

Statsborgarskap	Sveits
Fødd	15. april 1943 Flums
Død	9. juni 2014 (71 år) Walenstadt
Idrett	alpint
Tok del i	Vinter-OL 1968, Vinter-OL 1964, alpine skiing at the 1972 Winter Olympics – men's giant slalom