Eddy Ottoz

	Eddy Ottoz
	; Eddy Ottoz i 2015 Foto: Dario Crespi
Statsborgarskap	Italia
Fødd	3. juni 1944 (80 år); Mandelieu-la-Napoule
Yrke	hekkeløpar, politikar
Språk	italiensk
Høgd	179 centimeter
Politisk parti	Union Valdôtaine
Ektefelle	Lyana Calvesi
Nettstad	http://www.eddyottoz.com/
	Eddy Ottoz på Commons

Eddy Ottoz (fødd 3. juni 1944) er ein italiensk tidlegare friidrettsutøvar, fødd i Mandelieu-la-Napoule i Alpes-Maritimes i Frankrike. Han vart europameister på 110 meter hekk i 1966 og 1969, i 1968 tok han OL-bronse i same øvinga.

Aktiv

Ottoz sette italiensk rekord med 13,8 sekundar då han vart nummer fire i OL-finalen på 110 m hekk under sommarleikane 1964 i Tokyo. To år seinare var han stor favoritt på korthekken då EM i friidrett 1966 fann stad i Budapest, og innfridde med å vinne på tida 13,7, tre tidels sekund føre dei andre medaljevinnarane.

I tynnlufta i Mexico-byen sette alle dei beste hekkeløparane nye personlege rekordar då OL-finalen 1968 vart avvikla. Willie Davenport frå USA vann løpet og vart på elektroniske ur klokka inn til 13,33, Eddy Ottoz tok bronsemedaljen på den italienske rekordtida 13,46, offisielt 13,4.

Ottoz forsvarte EM-tittelen på korthekken under friidretts-EM 1969 i Aten. Vinnartida 13,5 var ny meisterskapsrekord. Han la deretter opp.

Sonen Laurent Ottoz var også hekkeløpar, og forbetra i 1994 den 26 år gamle landsrekorden til faren frå 13,46 til 13,42 sekundar.

Medaljar og plasseringar i internasjonale meisterskap

OL 1964 i Tokyo: Nr 4 – 13,8
EM 1966 i Budapest: Gullmedalje – 13,7, framom Hinrich John (14,0)
OL 1968 i Mexico-byen: Bronsemedalje – 13,46
EM 1969 i Aten: Gullmedalje – 13,5, framom Dave Hemery (13,7)

Kjelder

Denne artikkelen bygger på «Eddy Ottoz» frå Wikipedia på tysk, den 25. april 2015.