Do Re Mi av Woody Guthrie
| Do Re Mi Song av Woody Guthrie frå albumet Dust Bowl Ballads | ||
| Utgjeve | 1940 | |
| Komponist | Woody Guthrie | |
| Tekstforfattar | Woody Guthrie | |
| Låtskrivar(ar) | Woody Guthrie | |
|---|---|---|
«Do Re Mi» er ei folkevise av den amerikanske låtskrivaren Woody Guthrie. Songen omhandlar opplevingane til Dust Bowl-migrantar då dei kom til California.[1] Han er kjend for å ha to gitarpartar, begge spelte inn av Guthrie.
Songen kom ut i 1940 på albumet hans Dust Bowl Ballads. Songen tar form som ei åtvaring til komande migrantar om å halde seg der dei er. Bakgrunnen for åtvaringa var at det alt var så mange migrantar, og ikkje nok pengar eller arbeid tilgjengeleg til at den harde og dyre reisa kom til å bli verdt det.
«Do Re Mi» vart sidan spelt av Cisco Houston, Ry Cooder på det sjølvoppkalla debutalbumet hans i 1971, av Nanci Griffith i 1993 på albumet hennar Other Voices, Other Rooms (duett med Guy Clark), av Ani DiFranco på EP-en hennar Swing Set i 2000 og på hyllestalbumet til Woody Guthrie, 'Til We Outnumber Em, av Dave Alvin på albumet Interstate City, av Bob Dylan i dokumentarfilmen The People Speak i 2009, og av Dan Crary på albumet Flatpicking Guitar.
Kjelder
[endre | endre wikiteksten]- Denne artikkelen bygger på «Do Re Mi (Woody Guthrie song)» frå Wikipedia på engelsk, den 20. september 2020.
- Wikipedia på engelsk oppgav desse kjeldene:
- ↑ Karen Mueller Coombs Woody Guthrie: America's Folksinger 1575054647- - 2002 Side 45