Didier Cuche
Didier Cuche | |
Statsborgarskap | Sveits |
Fødd | 16. august 1974 (50 år) Le Pâquier i Neuchâtel |
Idrett | alpint |
Tok del i | Vinter-OL 2006, Vinter-OL 2010, Vinter-OL 2002, Alpint under Vinter-OL 1998 – Super-G menn |
Utmerkingar | Årets idrettsutøvar i Sveits |
Didier Cuche (fødd 16. august 1974) er ein sveitsisk tidlegare skirennar frå Le Pâquier i Neuchâtel. Han vart verdsmeister i super-G i 2009, i tillegg har han tre sølvmedaljar frå tre ulike internasjonale meisterskap. Cuche vart nummer to i verdscupen i alpint i 2011, og vann utforcupen av verdscupen fire gongar (2007, -08, -10 og -11), medan han i 2009 vann storslalåmcupen og i 2011 også super-G-cupen.
Aktiv
[endre | endre wikiteksten]Cuche slo gjennom i 1998-sesongen, han kom då på åttandeplassen i verdscupen i alpint og vart nummer fire i utforcupen av verdscupen. Kort tid føre vinterolympiaden vann han i Kitzbühel sin fyrste verdscupsiger. Eit høgdepunkt i sesongen fekk også med sølvmedalje i super-G under OL 1998 i Nagano, slått av Hermann Maier og på same tid som Hans Knauß. Dei neste tre sesongane høyrde han med mellom dei beste skialpinistane i verda, men utan å toppe resultatlistene.
I 2002-sesongen vart Cuche nummer tre i verdscupen i alpint, nummer to i super-G-cupen og kom på fjerdeplass i storslalåmcupen. Også 2003-sesongen var ein stor sesong, med tredjeplass i storslalåm- og femte plass i den totale verdscupen.
Cuche var i sine seks siste år som heilt i toppen i verdseliten. I fire sesongar på rad, 2007-10, vart han nummer tre i verdscupen i alpint og i 2011 hadde han berre Ivica Kostelić frå Kroatia føre seg når alle poenga var talde. Utforpokalen i verdscupen fekk han med seg både i 2007, -08, -10 og -11, storslalåmpokalen i 2009, det året han ikkje vann utforpokalen, og super-G-pokalen sikra han seg i 2011.
Cuche tok bronsen i den alpine verdsmeisterskapen i Åre i 2007. To år seinare vann han gull i super-G og sølv i utfor under VM i alpine greiner 2009. I sitt siste verdsmeisterskap, i Garmisch-Partenkirchen i 2011, fekk han sølv i utfor.
Cuche la opp som aktiv skirennar i 2012.
Medaljar og besteplasseringar i internasjonale meisterskap
[endre | endre wikiteksten]- 1998: Sølvmedalje i super-G og nr 8 i utfor under vinter-OL i Nagano
- 1999: Nr 8 i super-G under VM i alpint i Vail
- 2001: Nr 5 i super-G under VM i alpint i St. Anton
- 2002: Nr 10 i storslalåm under vinter-OL i Salt Lake City
- 2003: Nr 4 i utfor under alpin-VM i St. Moritz
- 2006: Nr 12 i super-G under vinter-OL i Torino
- 2007: Bronsemedalje i storslalåm, nr 4 i super-G og nr 6 i utfor under alpin-VM i Åre
- 2009: Gullmedalje i super-G, sølvmedalje i utfor og nr 6 i storslalåm under alpin-VM i Val-d’Isère
- 2010: Nr 6 i utfor under vinter-OL i Vancouver
- 2011: Sølvmedalje i utfor og nr 4 i super-G under alpin-VM i Garmisch-Partenkirchen
Verdscupsigrar
[endre | endre wikiteksten]Dato | Stad | Øving |
---|---|---|
23. januar 1998 | ![]() |
Utfor |
5. januar 2002 | ![]() |
Storslalåm |
7. mars 2002 | ![]() |
Super-G |
8. desember 2002 | ![]() |
Super-G |
30. januar 2004 | ![]() |
Utfor |
10. mars 2007 | ![]() |
Utfor |
14. desember 2007 | ![]() |
Super-G |
19. januar 2008 | ![]() |
Utfor |
4. februar 2009 | ![]() |
Super-G |
21. februar 2009 | ![]() |
Storslalåm |
28. november 2009 | ![]() |
Utfor |
22. januar 2010 | ![]() |
Super-G |
23. januar 2010 | ![]() |
Utfor |
6. mars 2010 | ![]() |
Utfor |
22. januar 2011 | ![]() |
Utfor |
29. januar 2011 | ![]() |
Utfor |
13. mars 2011 | ![]() |
Super-G |
26. november 2011 | ![]() |
Utfor |
21. januar 2012 | ![]() |
Utfor |
28. januar 2012 | ![]() |
Utfor |
24. februar 2012 | ![]() |
Super-G |
Kjelder
[endre | endre wikiteksten]- (en) Didier Cuche – Profil og resultatoversikt hos FIS
- Denne artikkelen bygger på «Didier Cuche» frå Wikipedia på tysk, den 8. februar 2013.
- Einskildmenn
- Fødde i 1974
- Sveitsiske alpinistar
- Verdsmeistrar i alpine greiner
- Olympiske sølvmedaljevinnarar for Sveits
- Medaljevinnarar under vinter-OL 1998
- Sveitsiske deltakarar under vinter-OL 1998
- Alpinistar under vinter-OL 1998
- Sveitsiske deltakarar under vinter-OL 2002
- Alpinistar under vinter-OL 2002
- Sveitsiske deltakarar under vinter-OL 2006
- Alpinistar under vinter-OL 2006
- Sveitsiske deltakarar under vinter-OL 2010
- Alpinistar under vinter-OL 2010