Campobasso

Campobasso
by
Klokketårnet i S. Bartolomeo-kyrkja i gamlebyen i Campobasso.
Land	Italia
Region	Molise
Provins	Campobasso
Areal	56,11 km²
Folketal	47 075  (1. januar 2023)
Borgarmeister	Giuseppe Di Fabio
Postnummer	86100
Retningsnummer	0874
Campobasso 41.561°N 14.6684°E / 41.561; 14.6684
Wikimedia Commons: Campobasso

Campobasso (campobassisk dialekt Kambuàš) er ein by i Italia. Han er hovudstad i både provinsen Campobasso og i regionen Molise og har om lag 50 000 innbyggjarar. Byen ligg ved elva Biferno og er omgjeve av fjella Sannio og Matese.

Campobasso har vore kjend for produksjonen av knivar (og sakser) sidan 1300-talet. Han er òg kjend for produksjon av pærer og osten scamorza.

Historie

Ein er ikkje sikker på korleis Campobasso vart grunnlagd, men han vart grunnlagd før 700-talet som ein festing for langobardane på ein bratt ås der det står ei borg. Det opphavlege namnet var Campus vassorum som tyder at byen opphavleg var setet for ein vasall under Hertugdømet Spoleto.

Etter normannarane erobra Sør-Italia mista Campobasso statusen som ein strategisk stad og vart i staden eit senter for handel og administrasjon.

Frå 1330 til 1745 vart byen styrt av Monforte-Gambatesa-familien, som bygde borga og fekk løyve til å prege eigne myntar. Seinare vart han styrt av familiane Di Capua, Gonzaga, Vitagliano, Carafa og Romano.

I 1763 forlet innbyggjarane gamlebyen og slo seg ned lenger nede i dalen. Den noverande byen vart utvia i 1814 av kongen av Napoli Joachim Murat, ogg ligg på Campo Basso («Den nedre sletta»).

I oktober og november 1943 var Campobasso åstad for kampar mellom dei allierte og tyskarane. Fleire bygningar og fabrikkar vart øydelagd og 38 sivile mista livet.

Kjelder

• Denne artikkelen bygger på «Campobasso» frå Wikipedia på engelsk, den 30. desember 2007.

Bakgrunnsstoff

Commons har multimedium som gjeld: Campobasso

• Offisiell nettstad