Camilla Herrem

	Camilla Herrem
	;
Statsborgarskap	Noreg
Fødd	8. oktober 1986 (38 år); Stavanger kommune
Idrett	handball
Tok del i	Handball under Sommar-OL 2012 – Kvinner, Handball under Sommar-OL 2016 – Kvinner, Handball under Sommar-OL 2020 – Kvinner

Camilla Herrem (fødd 8. oktober 1986) er ein norsk handballspelar som sidan 2017 seplar på Sola HK. Ho har vunne fem EM-gull, tre VM-gull og to OL-gull med Noreg i åra 2008-24. Herrem er venstrekant-spelar. Perioden 2006-24 deltok ho i 318 landskampar for Noreg og skåra 916 mål.

Aktiv

Herrem spela for toppserieklubben Sola HK frå 2001 til desember 2005. Sidan januar 2006 har ho spela på Byåsen, eitt av dei aller beste klubblaga i norsk kvinnehandball i perioden. I 2007 var ho med då Byåsen tapte finalane i den europeiske cupvinnarcupen mot Oltchim Valcea frå Romania, etter 24-30 heime og 29-29 borte. Her spela ho på lag med Tonje Nøstvold, Gøril Snorroeggen, Marit Malm Frafjord, Vigdis Hårsaker, Ida Alstad og Kari Aalvik Grimsbø.

Herrem debuterte på det norske landslaget 5. april 2006 mot Sverige og skåra tre mål. Ho var aktuell for meisterskapstroppa til både VM i handball 2007 og til sommar-OL 2008 i Kina, men kom ikkje med i korkje. EM i handball 2008 i Makedonia i desember vart hennar meisterskapsdebut. Herrem skåra eitt mål i finalekampen mellom Noreg og Spania, ein kamp som enda med at Noreg vart europameister etter 34-21-siger. Under VM i handball 2009, der Noreg tok bronsen, vart Herrem teken ut på «allstar»-laget som beste venstreving. Både i 2010 og 2011 var ho med på norske meisterskapstriumfar. I 2010 vart Noreg europameistrar etter finalesiger over Sverige, og året etter vann Noreg VM-finalen i Sao Paulo med 32-24 over Frankrike.

Under OL 2012 i London var Herrem med å vinne OL-gull, då Noreg vann 26-23 over Montenegro i finalen.

Merittar landslag

EM 2008: Gullmedalje etter 34–21 mot Spania
VM 2009: Bronsemedalje etter 26–21 mot Spania
EM 2010: Gullmedalje etter 25–20 mot Sverige
VM 2011: Gullmedalje etter 32–24 mot Frankrike
OL 2012: Gullmedalje etter 26–23 over Montenegro
EM 2012: Sølvmedalje etter 31–34 mot Montenegro
VM 2013: Nr 5 med Noreg
EM 2014: Gullmedalje etter 28–25 mot Spania
VM 2015: Gullmedalje etter 31–23 mot Nederland
OL 2016: Bronsemedalje etter 36–26 mot Nederland
EM 2016: Gullmedalje etter 30–29 mot Nederland
VM 2017: Sølvmedalje etter 21–23 mot Frankrike
EM 2018: Nr 5 etter 38–29 mot Sverige
VM 2019: Nr 4 etter 28–33 mot Russland
EM 2020: Gullmedalje etter 22–20 mot Frankrike
OL i 2021: Bronsemedalje etter 36–19 mot Sverige
VM 2021: Gullmedalje etter 29–22 mot Frankrike
VM 2023: Sølvmedalje etter 28–31 mot Frankrike
OL 2024: Gullmedalje etter 29–21 mot Frankrike

Kjelder

Denne artikkelen bygger på «Camilla Herrem» frå Wikipedia på bokmål, den 27. juli 2012.

Bakgrunnsstoff

Handballforbundet

Camilla Herrem

Statsborgarskap	Noreg
Fødd	8. oktober 1986 (38 år) Stavanger kommune
Idrett	handball
Tok del i	Handball under Sommar-OL 2012 – Kvinner, Handball under Sommar-OL 2016 – Kvinner, Handball under Sommar-OL 2020 – Kvinner