Borsj
Borsj (også stava borsjtsj og borscht; ukrainsk og russisk stavemåte Борщ) er ein tradisjonell ukrainsk supperett[1][2][3] som er vanleg å servere i store delar av Aust-Europa. Hovudingrediensen er raudbete, men suppa inneheld som regel også forskjellige andre grønsaker og i mange tilfelle også kjøt.
Raudbeter er basis for suppa. Når dei kokar gjev dei frå seg ein djupraud farge til suppa. Nokon inkluderer andre beter, poteter, kål, lauk og eventuelt kjøt når dei kokar borsj,[4] som gjerne vert servert med ein klatt smetana i (eit rømme-liknande mjølkeprodukt) og brød til.[5] Alternativt kan ein bruke litt rømme eller yoghurt om ein ikkje har tilgang på smetana.
I 2022 kunngjorde SN sin organisasjon for utdanning, vitskap, kultur og kommunikasjon (UNESCO) at dei hadde føydd borsj til lista over truga kulturelle tradisjonar, basert på risikoen for at Russlands invasjon av Ukraina kunne skade posisjonen til matretten som ein del av kulturarven til Ukraina.[6][7] Den nye statusen gjer at Ukraina kan søkje om middel for å promotere og beskytte borsj.
Kjelder
[endre | endre wikiteksten]- ↑ Schultze, Sydney (2000). Culture and Customs of Russia. Greenwood Publishing Group. pp. 65–66. ISBN 978-0-313-31101-7.
- ↑ Marks, Gil (2010). "Borscht". Encyclopedia of Jewish Food. Hoboken: John Wiley & Sons. pp. 196–200. ISBN 978-0-470-39130-3.
- ↑ Lee, Alexander (August 2018). "From Russia with Borscht". History Today. 68 (8).
- ↑ Eriksen, Kristin (2022-04-21) Fire oppskrifter på borsjtsj – rødbetsuppe. NRK Mat. Besøkt 2023-06-25
- ↑ «Ukrainsk borsch», Et kjøkken, 31. mars 2022
- ↑ «Ukraina har vunnet over Russland i krigen om Borsjtsj», ABC Nyheter, 4. juli 2022
- ↑ [1] "‘Culture of Ukrainian borscht cooking’ inscribed on the List of Intangible Cultural Heritage in Need of Urgent Safeguarding" (UNESCO)
- Denne artikkelen bygger på «Borsj» frå Wikipedia på bokmål, den 1. juli 2023.