Arne Barhaugen

Arne Barhaugen
Statsborgarskap	Noreg
Fødd	11. januar 1932 Oslo
Død	10. februar 2008 (76 år) Oslo
Idrett	kombinert
Tok del i	Vinter-OL 1964, Vinter-OL 1956

Arne Barhaugen (11. januar 1932–10. februar 2008) var ein kombinertrennar frå Oslo, der han også døydde. Han representerte Nydalens Skiklub.

Barhaugen deltok for Noreg i kombinerttevlinga under ski-VM 1954, vinter-OL 1956, ski-VM 1958 og vinter-OL 1964. Beste plasseringane kom i Cortina d'Ampezzo i 1956 med femteplass, og ein noko overraskande sjetteplass i Innsbruck 1964. Gjennom sine tolv sesongar i noregseliten vann han ei einaste NM-medalje, bronsemedaljen i Rælingen i 1963. Åtte år tidlegare tok han sin einaste pallplass i eit større, internasjonalt renn; han vart då nummer tre i Svenska skidspelen i Nässjö.

Besteplasseringar i internasjonale meisterskap og renn

• 1953: Nr 8 i Holmenkollen
• 1954: Nr 4 i Lahti og nr 8 under VM i Falun
• 1955: Nr 3 i Svenska Skidspelen i Nässjö
• 1956: Nr 5 OL i Cortina d'Ampezzo
• 1957: Nr 6 i Holmenkollen og i Lahti
• 1958: Nr 11 i VM i Lahti, og nr 7 i Holmenkollen
• 1959: Nr 9 i Lahti
• 1960: Nr 10 i Holmenkollen
• 1962: Nr 8 i Holmenkollen
• 1963: Nr 7 i Holmenkollen
• 1964: Nr 6 i OL i Innsbruck og i Svenska Skidspelen i Kiruna

Medaljar og besteplasseringar i noregsmeisterskap

• Ski-NM 1954: Nr 5 på Kongsvinger
• Ski-NM 1955: Nr 6 på Voss
• Ski-NM 1957: Nr 6 i Mo i Rana
• Ski-NM 1958: Nr 4 i Oslo
• Ski-NM 1959: Nr 4 på Gjøvik
• Ski-NM 1961: Nr 4 på Røros og i Rælingen
• Ski-NM 1962: Nr 5 i Skien
• Ski-NM 1963: Bronsemedalje i Rælingen
• Ski-NM 1964: Nr 4 på Voss
• Ski-NM 1965: Nr 4 på Fåberg

Kjelder

• Sportsboken, aktuelle årgangar

• Denne artikkelen bygger på «Arne Barhaugen» frå Wikipedia på bokmål, den 24. november 2012.

Bakgrunnsstoff

• (en) Arne Barhaugen – Profil og resultatoversikt hos FIS
• (en) Arne Barhaugen – Profil og resultatoversikt i olympiske konkurransar på sports-reference.com.