Annichen Kringstad

Annichen Kringstad
Statsborgarskap	Sverige
Fødd	15. juli 1960 (64 år) Oslo
Idrett	orientering

Annichen Cecilie Kringstad (fødd 15. juli 1960) er ein svensk tidlegare orienteringsløpar fødd i Oslo. Ho vart verdsmeister tre gongar i rad åra 1981, 1983, 1985, både i den individuelle tevlinga og som ankerkvinne for Sveriges stafett-mannskap.

Karriere

Omframt dei suksessrike verdsmeisterskapane, sigra Kringstad perioden 1981 til 1986 i femdagars-tevlinga O-Ringen i fem av seks år. I nordiske meisterskap var ho i 1982 med på å sikre svensk stafettgull, to år seinare vart det sølvplass i same øvinga. Nasjonalt vart ho svensk meister i klassisk løype åra 1981, 1984 og 1985, på langdistanse tok ho SM-gull i 1984 og 1985.

Medaljar og plasseringar i verdsmeisterskap

• VM 1979: Nr 9 individuelt
• VM 1981: Gull individuelt og i stafett
• VM 1983: Gull individuelt og i stafett
• VM 1985: Gull individuelt og i stafett

Kjelder

• Denne artikkelen bygger på «Annichen Kringstad» frå Wikipedia på svensk, den 26. juni 2023.