Alexander Tettey

Alexander Tettey

Personleg informasjon
Fullt namn	Alexander Banor Tettey
Kallenamn	Eddy, Van Tettey, The Bulldog
Fødd	4. april 1986
Fødestad	Accra
Posisjon	Defensiv midtbane
Ungdomsklubbar
	Kickers FK Bodø Glimt
Seniorkarriere*
År	Lag	Kampar (Mål)
2002-2003 2003-2009 2005 2009-2012 2012-2021 2021	Kolstad Rosenborg → Skeid (lån) Rennes Norwich Rosenborg	89 (12) 5 (2) 60 (2) 244 (7) 6 (0)
Landslag
2007-2016	Noreg	34 (3)
* Seniorklubbkampar og mål berre telt for nasjonal liga og oppdatert 17. oktober 2021 ‡ Landslagsmål oppdatert 11. november 2016

Alexander Banor Tettey (fødd 4. april 1986 i Accra) er ein norsk-ghanesisk tidlegare fotballspelar.

Tettey spelte helst defensiv midtbane, men var også indreløpar eller hadde andre posisjonar på banen.

Karriere

Tettey tok til å spele organisert fotball for Kickers i heimlandet før han flytte etter far sin til Noreg og Bodø saman med systera i 1999. Medan han budde i Bodø spela han på aldersbestemte lag i Bodø/Glimt. Han flytte seinare til Trondheim og begynte å spele for Kolstad. Her imponerte han nok til å få ein plass på juniorlaget til Rosenborg. Tettey vart junior-noregsmeister med Rosenborg i 2005. Allereie som 16-åring fekk han spele for A-laget til Rosenborg.

I norsk toppfotball har han stort sett spelt for Rosenborg, men var på utlån til Skeid ein periode. Under perioden sin i Rosenborg fekk han med seg to seriemeistertitlar, i 2006 og 2009. I 2009 vart han seld til franske Rennes. Han har også spelt for Norwich.

Landslag

På landslagsnivå valde Tettey å spela for Noreg. Han spelte både på fleire aldersbestemte landslag før han debuterte på A-landslaget i 2007, då Noreg slo Argentina 2-1. Fram til 2017 spela han 34 A-landskampar og skåra tre mål på dei. I EM-kvalifiseringa i 2016 vart Tettey toppskårar for Noreg.

Kjelder

• Alexander Banor Tettey, SNL.no
• Denne artikkelen bygger på «Alexander Tettey» frå Wikipedia på bokmål, den 13. januar 2022.