Ale Möller
Ale Möller | |||
![]() | |||
Fødd | 26. mars 1955 (69 år) | ||
---|---|---|---|
Fødestad | Stävie församling | ||
Opphav | Sverige | ||
Aktiv | 1977– | ||
Sjanger | verdsmusikk, folkemusikk, jazz | ||
Instrument | mandola, vokal, trekkspel, fløyte, trompet | ||
Verka som | komponist, utøvar | ||
Prisar | LRFs litteraturpris, Stockholms stads hederspris, Jan Johansson-stipendiet |
Ale Möller (fødd Arild Staffan Möller, 26. mars 1955 i Stävie Skåne) er ein svensk musikar, komponist og multiinstrumentalist.
Ale Möller spelar mellom anna fløyte, sekkepipe, trekkspel og fleire ulike strengeinstrument, først og fremst mandola og bouzouki. Han byrja som jazztrompetist, men har seinare fokusert utelukkande på folkemusikk, og er i dag ein av Sverige og Norden sine mest kjente og allsidige folkemusikarar.
Möller lærte å spele bouzouki i Hellas, der han i spelte i Neo Minore sitt orkester i tre år, som ofte vart dirigert av den kjende komponisten Mikis Theodorakis. Etter at han drog heim til Sverige for å konsentrere seg fullt og heilt om svensk folkemusikk heldt han fram med å bruke bouzoukien, og utvikla ein eigen spelestil og ein tilnærmingsmåte for å akkompagnere den tradisjonelt feledominerte spelemannsmusikken. Han har i dei seinaste åra gått over til å bruke ein spesialtilpassa variant av strengeinstrumentet mandola, utvikla i samarbeid med instrumentmakaren Christer Ådin.
Möller har mange musikalske prosjekt, blant anna trioen Frifot, der han samarbeider med songaren Lena Willemark og felespelaren Per Gudmundson. Han har gitt ut fleire plater på plateselskapet ECM, med prosjektet Nordan. Det nyaste prosjektet hans, Ale Möller Band gav ut plata Bodjal i 2004. Möller har òg jobba mykje med norsk folkemusikk, og samarbeider med hardingfelespelaren Gunnar Stubseid frå Setesdal. Saman gav dei ut plata Reisaren i 1997.
Kjelder
[endre | endre wikiteksten]Denne artikkelen treng referansar for verifikasjon. (2023) |