Adam Ludwig Lewenhaupt

Adam Ludwig Lewenhaupt
Statsborgarskap	Sverige
Fødd	15. april 1659 København
Død	12. februar 1719 (59 år) Moskva
Yrke	jurist, militær
Språk	svensk
Far	Ludvig Wierich Lewenhaupt
Mor	Gräfin Charlotte Susanna von Hohenlohe
Ektefelle	Brita Dorotea Lewenhaupt
Adam Ludwig Lewenhaupt på Commons

Adam Ludwig Lewenhaupt (15. april 1659–12. februar 1719) var ein svensk general og greve.

Lewenhaupt mista foreldra sin då han var ni år, men voks opp hos Per Brahe d.y. Han vart utdanna ved Lunds universitet og i Uppsala. Han skulle eigenleg bli diplomat men gjekk i staden inn i det militære. Han tenestegjorde i utlandet i nokre år, før han vende tilbake til Sverige.

Då den store nordiske krigen braut ut, vart han sett til å leia eit nydanna infanteriregiment. Han var ein av dei få svenske kommandantane som hadde suksess mot dei russiske styrkane i det området, medan Karl XII førte krig i Polen og Sachsen. I 1704 vann han slaget ved Jakobstadt og året etter vann han slaget ved Gemauerthof og vart då utnemnd til guvernør i Riga.

I 1708 vart han beordra til å marsjere austover med ei forsyningskolonne for å støtte opp under invasjonen til Karl XII av Russland. Dette førte til at han leia dei svenske styrkane i slaget ved Lesnaja same år, der han vart slått og måtte forlate forsyningane. Året etter var han igjen ved hæren til kongen, og Lewenhaupt leia infanteriet under det katastrofale slaget ved Poltava og seinare stod han for kapitulasjonen ved Perevolotsjna nokre dagar etter. Han døydde i russisk krigsfangenskap i 1719, og Karl XII gjorde ingen forsøk på å få han frigjeve.

Kjelder

• Denne artikkelen bygger på «Adam Ludwig Lewenhaupt» frå Wikipedia på bokmål, den 4. desember 2010.