Åge Simonsen
| Åge Simonsen | |||
| Fødd | 3. mars 1953 Stavanger kommune | ||
|---|---|---|---|
| Nasjonalitet | Noreg | ||
| Område | entomologi, Biologisk mangfald, virvellause dyr | ||
| Yrke | organisasjonsarbeidar, entomolog, forskar | ||
| Alma mater | Universitetet i Bergen | ||
| Medlem | Norges Miljøvernforbund Norges Naturvernforbund | ||
Åge Simonsen (fødd 3. mars 1953 i Stavanger) er ein norsk biolog, zoolog og tidlegare saksbehandlar i Norges Miljøvernforbund.
Simonsen er utdanna zoolog, dr. scient, ved universitetet i Bergen, og har som einaste i Noreg doktorgrad på leddyrgruppa tusenbein. Han har i tillegg grunnfag i fysikk, kjemi samt mellomfag i matematikk. Han har vore leiar for Studentparlamentet ved Universitetet i Bergen og landsstyremedlem av Norsk Studentunion. På same tid hadde han ein rekkje politiske verv i Sosialistisk Venstreparti.
Han var tilsett som fagansvarleg for naturvern i Norges Miljøvernforbund fram til han vart sagt opp i mai 2009. Simonsen hevda at oppseiinga var grunnlaus, men tapte både i Oslo tingrett og Borgarting lagmannsrett. Anken til Høgsterett vart avvist av Høgsteretts ankeutval.
Han er tvillingbror til politikaren (tidlegare Frp) Jan Simonsen.