Sigvald Hasund
Sigvald Mathias Hasund (24. mars 1868–3. september 1959), fødd på Hasund i Ulstein, var ein norsk agronom, historikar og politikar for Venstre, kyrkje- og undervisingsminster 1928-1931 i Johan Ludwig Mowinckel si andre regjering.
| Sigvald Hasund | |
 | |
| Statsborgarskap | Noreg |
| Fødd | 24. mars 1868 Ulstein |
| Død |
5. september 1959 (91 år) |
| Yrke | politikar, professor, historikar |
| Politisk parti | Venstre |
| Medlem av | Det Norske Videnskaps-Akademi |
Han var landbrukskandidat ved Den høyere landbruksskole på Ås i 1890. Han arbeidde deretter som lærar på landbruksskulen i Vestnes i 1891, ved Nordmøre amtskule i 1892-93 og Romsdals Amts gjenteskule i Volda 1893-97. Han flytta deretter til Bratsbergs amt og arbeid som amtsagronom 1898-1906, og redaktør av fagtidsskriftet Frøi i 1906. Deretter vart han engasjert ved Norges Landbrukshøgskole som overlærar frå 1907, og etter kvart som professor frå 1914 til 1938.
Han var i Ås kommunestyre 1917-19.
Han var statsråd og sjef for Kyrkje- og undervisningsdepartementet i Johan Ludwig Mowinckel si andre regjering, frå 1928 til 1931.
Han er mest kjend fordi han i 1928 som kyrkje- og undervisningsminister ikkje ville la teologen Kristian Schjelderup bli ordinert til prest. Kristian Schjelderup var då einaste søkar til embetet som sokneprest i Værøy og Røst. Grunngjevinga for å nekte ordinasjon var «fordi hans stilling til den lutherske religion er slik at han ikke på lovlig måte kan ansettes i et geistlig embedte». Dette skapte sterk debatt i samtida.
Bibliografi
endre- Smørstel, hjemme og paa sæteren (H. Joh Dyrings forlag, 1902)
- Det norske landbruks historie (1919)
- Bønder og stat under naturalsystemet (1924)
- Landbruksundervisningen i Norge gjennom 100 år (1926). Med Ivar Nesheim.
- Or Noregs bondesoge (1942-44)