Nasjonal turistveg

Nasjonal turistveg (Nasjonal turistvei) er vegar i Noreg som har fått offisiell status som veg der det skal investerast ekstra for å få ein infrastruktur som passar turistnæringa og reisande langs desse vegane. Initiativtakar for prosjektet er Statens Vegvesen og dei presenterer prosjektet som ei ferd i harmoni med det ytre landskapet og eins eige indre.

Skilt for nasjonal turistvei

Kvinnefossen er omtrent 2 km austom Hella ferjekai, ein del av riksveg 55

Satsinga på nasjonale turistvegar vart vedteke av Stortinget i 2001.

Målsettinga er å tilby vegfarande bilturistar 18 nasjonale turistvegar med ei samla lengd på ca. 1800 km innan 2015. Denne særskilde turistattraksjonen skal stimulere vegfarande turistar til å nytte Noreg som sitt feriemål og gjennom det styrke næringsgrunnlaget. Godkjende strekningar vil bli profilert med ein eigen logo (turistvegsymbolet).

I 2012 fekk turistvegane arkitekturmagasinet Topos sin spesialpris for arkitekturen som blir brukt på kafébygg og utkikksposter.

Krav til standard

For å oppnå dette må det gjerast store investeringar for å få løfta vegane opp på det naudsynte nivået. Dette omfattar:

• Standard og tryggleik på sjølve vegen
• Rasteplassar av god kvalitet på rett stad
• Utsiktspunkt som er tilrettelagt
• Informasjon
• Serverings- og overnattingshøve
• Aktivitetstilbod og opplevingar utover sjølve køyreturen

Godkjende strekningar

Montering av gangbru og utsiktspunkt over Vøringsfossen, sommaren 2020.

Reine i Lofoten, staden ligg langs Europaveg 10

Foto: Michael Haferkamp

Nybygget på Trollstigen rett før opning i 2012.

18 veisystem har blitt klassifisert som Nasjonal turistveg. Alle 18 strekningar er per 2012 merka med symbolet for nasjonale turistveger. Ein del arbeid på nokre strekninger skal utførast fram mot år 2020.

• Varanger, Varangerbotn–Hamningberg, E75/fylkesvei 341, 160 km – (Varanger Arkivert 2016-03-10 ved Wayback Machine.)
• Havøysund, Kokelv–Havøysund, fylkesveg 889, 66 km – (Havøysund Arkivert 2013-05-21 ved Wayback Machine.)
• Senja, Gryllefjord–Botnhamn, fylkesveg 86/fylkesveg 862, 90 km – (Senja Arkivert 2013-08-03 ved Wayback Machine.)
• Andøya, Andenes–Bjørnskinn, fylkesveg 82/fylkesvei 976/fylkesvei 974, 58 km – (Andøya Arkivert 2013-05-21 ved Wayback Machine.)
• Lofoten, Raftsundet–Å, E10, 230 km – (Lofoten Arkivert 2014-11-04 ved Wayback Machine.)
• Helgelandskysten, Holm–Alstahaug–Stokkvågen–Godøystraumen, fylkesveg 17, 416 km – (Helgelandskysten Arkivert 2013-05-21 ved Wayback Machine.)
• Atlanterhavsvegen, Kårvåg–Bud, fylkesvei 64/fylkesvei 242/fylkesvei 663/fylkesvei 238/fylkesvei 235, 36 km – (Atlanterhavsvegen Arkivert 2014-10-04 ved Wayback Machine.)
• Geiranger–Trollstigen, Langevatnet–Sogge bru, fylkesveg 63, 106 km
• Rondane, Muen–Folldal og Enden–Sollia kirke, fylkesvei 27/fylkesvei 219, 75 km
• Gamle Strynefjellsvegen, Grotli–Videsæter, fylkesveg 258, 27 km
• Gaularfjellet, Balestrand–Moskog og Eldalsosen–Sande, fylkesveg 613/fylkesveg 610, 130 km – (Gaularfjellet)
• Sognefjellet, Lom–Gaupne, fylkesveg 55, 108 km
• Valdresflye, Garli–Gjende–Hindsæter, fylkesveg 51, 46 km
• Aurlandsfjellet, Aurlandsvangen–Lærdalsøyri, fylkesveg 5627, 47 km – (Aurlandsfjellet)
• Hardangervidda, Eidfjord-Haugastøl, riksve7 7
• Hardanger, Steinsdalsfossen–Granvin, Norheimsund–Tørvikbygd, Jondal–Utne og Kinsarvik–Låtefoss, fylkesvei 7/fylkesvei 49/fylkesvei 550/riksvei 13
• Ryfylke, Oanes–Hordalia, riksvei 13/fylkesvei 46/fylkesvei 520, 183 km
• Jæren, Ogna–Bore, fylkesvei 507/fylkesvei 44, 41 km

Nye kandidatar

Av femti søkarar har Vegdirektoratet plukka ut følgjande vegar med potensial til å få status som nasjonal turistveg:

• Riksveg 13/520 – Ryfylke.
• Hardanger, Riksveg 7; vidareføring av eksisterande prosjekt.

I nær framtid

Etter vurderingane til vegdirektoratet er det berre 15 - 25 strekningar som har potensial til å oppnå status i løpet av dei neste 25 åra.

Komande

• Vardø – Hamningberg; heilt ute i havkanten
• «Yttersida» på Senja som går langs fjelltindane som blir kalla «Djevelens tanngard».
• Bjørnskinn – Bleikdelet på Andøya; vegen vil gå langs yttersida av Andøya
• Vennesund – Alstahaug på sørlege delen av Helgelandskysten; kyststrekning med UNESCO-øyane Vega utanfor (94 km Rv17)

Kjelder

• Denne artikkelen bygger på «Nasjonal turistvei» frå Wikipedia på bokmål, den 13. januar 2011.

Bakgrunnsstoff

• Nasjonale turistveger, offisielt nettstad frå Statens vegvesen Arkivert 2007-04-28 ved Wayback Machine.
• Prosjektinformasjon
• VG: 100 millionar til «postkortvegane»