Tschuktsche Spraak
| Tschuktsche Spraak | ||
|---|---|---|
|
Snackt in |
Russland, (Sibirien) | |
| Sprecher | 7.740 | |
| Klassifikatschoon |
| |
| Offitschell Status | ||
| Amtsspraak in | - | |
| Spraakkoods | ||
| ISO 639-1 |
– | |
| ISO 639-2 | (B) – | (T) – |
| ISO 639-3 |
ckt | |
De Tschuktsche Spraak (in de Tschuktschen ehr egen Spraak lg'orawetl'en yilyil, ɬəɣʔɔˈrawɛˌtɬʔɛn ˈyiɬəyiɬ, plttdt. „Spraak vun de echten Minschen “ ut lgi- „echt“, ’orawetl’an „Minsch“ un yilyil „Tung, Spraak“, russ. чукотский язык) is en Paläosibiersche Spraak un warrt vun um un bi 10.000 Lüde ut dat Volk vun de Tschuktschen, ganz in'n Noordoosten vun den Wieden Oosten vun Russland in de Region Tschukotka snackt.
De neegst verwandte Spraak is de Korjaksche Spraak mit bi 3.500 Lüde, de dat snacken doot. Düsse beiden Spraken sünd tohopen mit Itelmeensch, Aliutor un Kerek de Grupp vun de Tschuktscho-kamdschadaalschen Spraken.
De Tschuktschen un Korjaken höört tohopen, wat jem ehr Kultur angeiht. Jem ehr Weertschop steiht up de Renderen. Se warrt in de Rus'sche Föderatschoon as autonome Bezirken ansehn.
Wo dat russisch Woort tschuktscha herkamen deit, is nich kloor. Worschienlich kümmt dat vun den Naam vun de gröttste Deelgrupp vun de Tschuktschen her, dat sünd de Rendeertschuktschen. De heet up tschuktsch cawcw.
In dat rode Book vun de UNESCO steiht to lesen, dat de tschuktsche Spraak „in Gefohr“ is.
De tschuktsche Spraak warrt mit dat Kyrillsch Alphabet schreven, dor kaamt denn noch de Tekens Ӄӄ und Ӈӈ un ʼ hento.
Bloß een Woort ut de Tschuktschen ehre Spraak is ok up Düütsch bekannt. Dat Woort för Lachs is up tschuktsch qetaget. Un wi seggt to de Aart vun Lachs, de den Keta-Kaviar afgeben deit, Keta-Lachs (Oncorhynchus keta).