Singularetantum
En Singularetantum (Mehrtall: Singulariatantums) is en Woort, dat blots in de Singular (Eentall) vörkaamt. Solke Wöör warrt nich so faken mit en unbestimmten Artikel bruukt un steiht faken ok heel ahn Artikel.
Singulariatantums kaamt in vele Rebeden vöör:
- Konkreta, de wat untallbaret betekent: Watt, Larm
- Abstrakta: de Döst, de Vernunft, de Nutiet
- substantiveerte Verbinfinitiven: Dinken, Vertehen, Vergeten
- substantiveerte Adjektiven: dat Plattdüütsche, dat Unvergeetliche
- vele Substantiven op -heit oder -keit: Düsterheit, Gesundheit
- vele Substanzen: Melk, Helium, Goold
- Organisatschonen: Post, Polizei
Se köönt dörch Kompositschoon in de Mehrtall sett warrn, se kriegt denn en Suffix oder en anneret Woort achteranhangt. So kann een to Loof in de Plural Loofaarten seggen.
Dat Gegendeel herto is dat Pluraletantum.